IPhiko Lerherho Lokusebenzisana Ngeenqhema Nelemisebenzi Yokusekela eSewula Afrika
INCWAJANA YE-dti EMALUNGANA NOKUFIKELELEKA KWELWAZI
OKUMUMETHWEKO
ISINGENISO ...
UMNQOPHO...
IMINQOPHO EMIKHULU, UMNQOPHO WEHLELO KANYE NEMINQOPHO ELINGANISEKAKO
ISIJAMISO SESAKHIWO
IMINININGWANA YOKUTHINTANA NESIPHATHISWA SEZOKWAZISA NAMASEKELA WEEMPHATHISWA ZOKWAZISA...
ISIPHATHISWA SEZOKWAZISA... ...
AMA-ADRESI ...
I-ADRESI YOKUPOSA...
I-ADRESI YOMAKHO...
IZIKO LOKURHELEBHA NGOMTATO LE-dti
IINHLOKO NAMAKORO WELWAZI...
AMAKORO WELWAZI NGAPHAKATHI KWE-dti
Amabhizinisi, Ubunikazi Kanye Nendlela Yokuphatha...
Ukurhwebelana Okuhle, Ukuphalisana Okuhle Kanye Nokuvikeleka Kwabathengi...
Amabubulo Alawulwako...
UKURHWEBELANA NEENARHA ZANGAPHANDLE ...
Amazinga ...
Ituthuko Nerhubhululo ...
UKUVIKELEKA KOBUNIKAZINGQONDO
IMISEBENZI YOKWENZELWA ABANTU...
UKULAWULWA KWERHWEBELWANO LEENTJHABATJHABA...
Ukutjhugululwa Kweemali Neemali Ezibuyiselwako...
Ukuphikisa Nokutheliswa Kwepahla Ethengiselwa Ngaphandle...
Ukulawulwa Kwepahla Ethunyelwa Nebuya Ngaphandle
UKUTLOLISA NOKUHLOLA...
Ukuphenya Nokuhlola...
Amasiso Wangaphandle ...
Amabhizinisi Amancani ...
Irhubhululo Lesayensi ...
Ihlelo Le-SA Lokulinganisa Ikhwalithi...
Ukurhwebelana Namazwe Wangaphandle ...
Amalungelo Wabathengi ...
IMALI YEHLOHLOMEZELO NEYETUTHUKO...
Ukusekelwa Kwamasiso...
Ukuthuthukiswa Kwamabhizinisi Amancani ...
Ukwandiswa Kommoya Wokuphalisana...
Imikhumbulo Emitjha Netheknoloji...
Irhelebho Lokuthengisela Ngaphandle...
Amasiso...
Ibhoduluko Lezelawulo...
IRHELEBHO LOKUTHENGISELA IINARHA ZANGAPHANDLE
Iragwa Njani Ibhizinisi eSewula Afrika...
UKUTHOMA IBHIZINISI...
Ithonywa Njani Ibhizinisi...
Ukuphathwa Kwebhizinisi...
Amathuba Webhizinisi...
Ukusekeleka Kwebhizinisi...
UKUKHULISA IBHIZINISI...
Ikhuliswa Njani Ibhizinisi...
Ukuphathwa Kwebhizinisi...
Ukusekeleka Kwebhizinisi...
UKUTHENGISELA IPAHLA EENARHENI ZANGAPHANDLE
Funda Ukuthengisela Ngaphandle...
Tlolisela Ukuthengisela Iinarha Zangaphandle...
Ihlohlomezelo Yokuthengisela Iinarha Zangaphandle...
Amangeno Eemakethe Zangaphandle ...
Iinhlangano Zokuthengisela Eenarheni Zangaphandle...
AMABHIZINISI AMAKHULU...
Ukutlolisa Nokunikelwa Amandla...
Ihlohlomezelo...
Iinqhema Zerhuluphelo Yezomnotho...
UKUVIKELWA KWABATHENGI ...
Amalungelo Wabathengi...
Ububalekelo...
Iinqhema Zeenlilo Zabathengi...
Ubukhulu ...
Ukukhula/Ukuhluma...
Amakoro...
Irhwebo...
Amasiso Nokubulunga ...
Intengo...
Imisebenzi...
Ukungalingani...
Ikomba Yezomnotho...
Imithombo Yamandla...
Abakhambiphambili Bomnotho...
AMAHLELO...
Ukujamiseka Kwehlangano...
Abantu Bekhethu...
IMINIKELO...
Ukuphathwa Kwerhwebelwana Lamazwe Ngamazwe
Umthetho Nemithetholawulo...
Ukurejistara Nokuhlola...
Iimali Zehlohlomezelo Nezokuthuthukisa...
Amahlelo...
Umthethokambiso, Imithetjhwana Nokurhwebelana Kwamazwe Ngamazwe...
Iinsiza Ezifakelelelwa Ukuthuthukisa...
Ituthuko...
IINDABA NEZEHLAKALO...
IINDABA ZAMABUBULO/ZAMAFEMU...
IMITLOLO...
IMIBUZO YEPALAMENDE ...
IINKULUMO...
IIMEMEZELO ZEEMBIKIINDABA/ZEENDABA...
UKUZWA OKUVELA EEMBIKINIINDABA...
IKAMBISO YESIBAWO...
Ikambiso...
Iimali Ezibhadalwako...
Iimali Ezibhadalwa Eenhlanganweni Zomphakathi...
UKUVUNYELWA/UKWALIWA KWEEMBAWO...
Ukwaliwa Kwesibawo...
Isibawo Sokudlulela Phambili...
IKOMBA YEKOMITJHINI YAMALUNGELO WOBUNTU ...
UKUHLANGANYELA KWABABELANI...
IINHLOMELELO...
ISINGENISO
UmThetho wenomboro 2 ka-2000 oKhuthazela ukuTholakala kwelwAzi ("umThetho") wabethwa ngomhlaka 9 kuMatjhi 2001, wanikela ihlangano namkha isijamiso somphakathi namkha ihlangano yangeqadi nanyana ngiliphi ilungelo lomthethosisekelo lokuthola ilwazi elifunekako lokuragwa nokuvikelwa kwamalungelo nanyana kungaba ngimaphi. La kwenziwa khona isibawo ngokomThetho, ihlangano ekwenziwa kiyo isibaweso inesibopho sokuveza ilwazi elinjalo, ngaphandle kwala umThetho uthi khona ilwazelo alikavunyelwa ukuvezelwa nanyana ngubani.
UmThetho uyayitjho ikambiso ekufuze ilandelwe ekwenziweni kwesibawo esinjalo. Incwajana le inqophe ukukhuthaza isiko lokwenzela izinto emkhanyweni nangendlela enokuziphendulela emNyangweni wezeRhwebo namaBubulo ("i-dti") ngokunikela ilungelo lokuthola ilwazi elifunekako lokuragwa nokuvikelwa kwamalungelo womuntu namkha wehlangano. Nakuzakukghonakala ukukhuthaza ukulawuleka kuhle kweenhlangano zomphakathi, kuyafuneka ukuqinisekisa ukuthi omunye nomunye uhlonyiswe ngamandla afaneleko, abe afundiseke ukuzwa amalungelo wakhe ngokomThetho.
Nokho-ke iSahluko 9 somThetho siyavuma ukuthi ilungelo lokuthola ilwazi angeze lasebenza ngaphandle kokuba nemibandela nokulinganiselwa, begodu kufuze bona ulawulwe ziinlinganiselo ezivumakalako, ezibala nalokhu okulandelako, kodwa nokho ezingapheleli kikho:
Ukulinganiselwa okunqophe ukuvikeleka okulingeneko kwezinto zangeqadi;
Iiindaba zerhwebo ezisifuba; kanye nokulawuleka okuhle nokuphumelelako; begodu okwenzeka ngendlela okulinganisa ilungelwelo namanye amalungelo, sekubalwa namalungelo anjengalawo aseVikelwenimalungelo esemThethwenisisekelo.
ISahluko 14 somThetho sibophelela iinhlangano zomphakathi ukutlola iNcwajana ezakusiza abantu ukuthola ilwazi eliphethwe yihlangano yomphakathi nebeka ubuncani bemibandela incwajana leyo ekufuze bona iyizalise.
Nokho-ke i-"dti" seyitjhwile ukuthi izakulinga ukusebenzela emkhanyweni, begodu inande yazisa ngokukhululekileko amabhizinisi, abathengi kanye nomphakathi nje woke ngemitlolo, izaziso, ne-website ye-dti ngeziko lokuthola ilwazi ngomtato.
UMNQOPHO
Incwajana le inqophe ukunikela umbawi, ngokusizwa mthetho, ngemininingwana yokuthintana nekambiso efaneleko yokuthola ilwazi elithileko ku-dti.
Incwajana le godu ilinga nokunikela umbawi umkhanyo opheleleko wesijamiso, imisebenzi ebekelwe ukwenziwa, imisebenzi eyenzelwa abantu kanye nekomba yerherho lelwazi le-dti ukusiza umbawi kobanyana akghone ukuthola indawo la angathola khona ilwazi elifunekako.
Incwajana le godu inikela namaforomo afunekako neemali ezibhadalelwa ukubawa ukuthola ilwazi.
Umnqopho we-dti kudosa phambili nokukghonakalisa ukuvulwa kwamathuba womnotho obambelelako nemisebenzi kiwo woke amaSewula Afrika ngokusisisa kwezinga eliphakemeko, nokvuleka khudlwana kwamasango wokungena kwepahla yeSewula Afrika eemakethe zamazwe ngamazwe, nokwakha imakathe ehle, nelungileko, nesebenza ngemithethokambiso yokuphalisana elungileko emabhizinisini wekhethwapha newangaphandle, kanye nebathengini. Ngalendlela-ke, i-dti inqophe ukusiza ukubeka umnotho weSewula Afrika emtlhaleni webelo newokwabelana ngokuhluma kwawo umnotho.
Iminqopho Emikhulu, Umnqopho Wehlelo Kanye Neminqopho Elinganisekako
Ukwakha ikoro elungelelweko nethuthukileko yokukhiqiza ephumelelisa ukwanda kwamathuba womnotho abambelelako abe khona kiwo woke amaSewula Afrika kiwo woke umnotho.
Ukukhulisa imakethe yepahla neyemisebenzi eyenzelwa abantu eSewula Afrika.
Ukukhuthaza ukuhlukahluka kwepahla iSewula Afrika eyithengisela amazwe wangaphandle.
Ukukhuthaza ukusisiswa bunqopha kwepahla yekhethwapha neyangaphandle.
Ukwakha imakathe ehle, nelungileko, nesebenza ngemithethokambiso yokuphalisana elungileko emabhizinisini wekhethwapha newangaphandle, kanye nebathengini.
Ukuvula amathuba wokuhlomisa abantu ababedimeke amathuba ngamandla womnotho kanye nokuveza iindlela ezizakuphumelelisa ukusetjenziswa kwamathuba la.
Ukuyenza isebenze ngcono khulu i-dti, ibe iphumelele khudlwana ukwenza imisebenzayo.
Isakhiwo Sokuhleleka
Amaphiko Wokukghonakalisa, ekuwona aphethe imisebenzi yokusekela amaphiko anqophene nemisebenzi eyenziwako.
Amaphiko enza imithethokambiso, aqalene nokwenza ubujamo bezinto bube ngobuhle obulungele ukusebenza kuhle emnothweni.
Amaphiko wokwenzelwa kwabantu imisebenzi, wona-ke asebenzisana bunqopha namabhizinisi nabathengi ngemikhiqizo eyenziwako nangemisebenzi eyenzelwa abantu.
Iphiko lokumaketha, eliqalene nokubeka itshwayo lerhwebo nokumaketha ipahla/imikhiqizo ye-dti (amahlelo nokhunye okunikelwako) kanye nokuqinisekisa ukuthi abosomabhizinisi nabathengi balapha ekhethu bayawazi amalungelo wabo womnotho.
ISAKHIWO SOKUHLELEKA KWEENKHUNDLA EZIPHEZULU
UMnqophisi-Mazombe
ISikhulu Sezemisebenzi
Akunamuntu
Iminqopho Ye-dti Iragwa Ngalamahlelo Alandelako:
IHLELO UMNQOPHO
I-EMU ne-GSSD neZOKUMAKETHA IPhiko Lokuphatha Nokulawula Kudosa phambili iminyango nezinye iinjamiso ezikhambisana nayo ngendlela emaqhingaqhinga, nokusekela ngeensetjenziswa ukuphumelelisa umsebenzi we-dti.
ZokuMaketha Kukhulisa nokwandisa ilimuko nokutholakala kwemikhiqizo nemisebenzi eyenziwa yi-dti.
UkuThuthukiswa kweRhwebelwano leenTjhabatjhaba nezomNotho Kukwandisela ipahla yeSewula Afrika ethengiselwa emazweni wangaphandle amathuba wokungena eemakethe ngokukhulumisana kwenziwe iimvumelwana zokurhwebelana namazwe ngamazwe ngehlelo lokurhwebelana kwamazwe woke, nokusungula bekulawulwe ihlelo lokubhadalisa phezu kwepahla yeSewula Afrika.
AMAPHIKO ENZA IMITHETHOKAMBISO
I-ITED, ne-EIDD kanye ne-CCRD UkuThuthukiswa kwamaBhizinisi namaBubulo Kusekela ukutlanywa nokuthuthukiswa kwemithethokambiso namaqhinga anqophe ukuwuhlela ngobutjha umnotho weSewula Afrika ngokwandisa amathuba wokuhlonyiswa ngamandla womnotho kwabantu ababedimeke amathuba, nangokusekela amahlelo wokuthuthukisa amabhizinisi kanye nangokukhulisa amahlelo angezelela ukuhluma komnotho nakhuthaza ukuphalisana ngezomnotho.
UkuLawulwa kwabaThengi namaBhizinisi Kuvula ibhoduluko lokulawuleka kwamabhizinisi elikhuthaza iimakethe eziphalisana kuhle nangokwenzela izinto emkhanyweni kizo zoke izakhamuzi zomnotho ngokunande kubuyekezwa umthethokambiso nomthetho soke isikhathi, kanye nokukhuthaza ukukhambisana nemithetho elawulako ngefundo nangokusetjenziswa ngendlela elungileko.
AMAPHIKO WOKWENZELWA KWABANTU IMISEBENZI
I-TISA ne-TEO ZeRhwebo nokuSisa eSewula Afrika Kukhuthaza ukusisiswa kwamafa eSewula Afrika, nokuthuthukisa ikghono namandla weSewula Afrika wokuthengisela iimakethe zangaphandle ipahla kanye nokuveza ibonelophambili elimaqhingaqhinga lokuthuthukisa amakoro nobujamo bobungako bomnotho.
IHlangano yamaBhizinisi amaNcani Kukhuthaza ukuhlelwa ngobutjha komnotho weSewula Afrika ngokuhlohlozela ukusisisa emthangalenisisekelo, nekuthuthukisweni kwemithombo yamandla wabantu, nekulungeleleni imisebenzi yokukhiqiza neminye ekhambisana nayo, nokuthuthukisa amabhizinisi amancani, neengodi ezithileko, nechwephetjhe kanye nokusungulwa kwamaqhinga amatjha.
IMINININGWANA YOKUTHINTANA NESIPHATHISWA SEZOKWAZISA NAMASEKELA WEEMPHATHISWA ZOKWAZISA
IsiPhathiswa SezokwAzisa
Ifeksi : +27 12 322
AmaSekela WeemPhathiswa ZokwAzisa: (Ama-DIO)
Ama-adresi
I-adresi Yokuposa
I-adresi Yomakho
IINHLOKO NAMAKORO WELWAZI
Amakoro Wezokwazisa Ngaphakathi Kwe-dti
Amakoro wezokwazisa namarekhodi alandelako la abulungwe yi-dti:
Ilwazi elimalungana nekhamphani (isib. umnqophisi, ilungu elinamatjhere, i-adresi yekhamphani njll.).
Iwazi lelungelobunikazi elikhethekileko nelamatshayo werhwebo ( eSewula Afrika nemazweni ngamazwe).
Ilwazi elimalungana nehlohlomezelo (ilwazi lokutjintjiselana nelimalungana nehlohlomezelo engatjhugulukiko).
Ilwazi lamaphemithi amaphemithi akhutjhwako ngawokuthengisela ipahla kamanye amazwe/ngawokuthenga ipahla yakamanye amazwe kanye namaphemithi wokusebenza ngemikhiqizo elawulwa mThetho owAlela ukwAndiswa komKhiqizo othileko i-Nonproliferation Act.
Iimali ezibhadaliselwa ipahla ethengwa nethengiselwa amazwe wangaphandle (iimali ezibhadalwa njenganje nezathoma ukubhadaliswa kade epahleni ethengwa nethengiselwa amazwe wangaphandle)
ilwazi lezokuphatha nokulawula le-dti nelamaphiko wayo (ilwazi lemicimbi, amaplani webhizinisi, ukwabiwa kweemali, umthethokambiso kanye nekambiso).
ilwazi elimalungana nokulawulwa kwehlelo lokuthintana ( ukukhulumisana, iinthunywa, imikhiqizo/iminikelo).
Abanesabelo (eminye iminyango karhulumende, iinhlangnano ezinerhuluphelo kezokuphatha nezeemali kwa-dti, umnikazi wesabelo okwabelwana ngaso/ikhastama, ilwazi lokukhulumisana nokusebenzisana).
Ukuphathwa nokulawulwa kweemali nemithombo yamandla yabasebenzi (njengamarekhodi weemali newabasebenzi).
Ilwazi elimalungana nabanikeli (ukulawulwa kweemali, nabantu ekuthintwana nabo, ukulawulwa kwemibandela namahlelo wokuphatha).
Ilwazi elimalungana nabasabalalisi (imininingwana ngabasabalalisi abenzela i-dti imisebenzi ethileko).
Imitlolo yokuzikhulumela etlolelwa iPalamende neminye imitlolo etlolelwa yona iPalamende.
Ukulawulwa kwamahlelo ajayelekileko namahlelo akhethekileko.
Ilwazi lemithetho yokulawula (i-dti ilawula imihlobohlobo yemiThetho, imthetjhwana nemithethokambiso yokurhwebelana neminye ephathelene nezerhwebo kanye namarekhodi wezomthetho aphathelene nerhwebo neendaba eziphathelene nebubulo lezerhwebo lapha eSewula Afrika neentjhabatjhabeni)
Zomthetho (umthetho wamazwe ngamazwe, imithetho esuselwa emacaleni akhe agwetjwa)
Iphenyo nokuhlola (ikhamphani, umkhiqizo, ihlohlomezelo, iinghonghoyilo zabathengi, iinlilo zokulahlwa kwezinto ezingasasebenziko).
Imithethokambiso yokurhweba neyamabubulo werhwebo (ilwazi lemithethokambiso etjhayela izenzo namahlelo wokulamula ngesizo le-dti.)
Amabhizinisi, Ubunikazi Kanye Nendlela Yokuphatha
UmThetho wenomboro 71 wezamaBhizinisi wango-1991: Umnqopho womThetho lo kubulala namkha ukutjhugulula imithetho ethileko emalungana nokunikelwa kwamalayisense wokuragwa kwamabhizinisi, nesikhathi iintolo ekufuze zisebenze ngaso kanye nokubeka imibandela emitjha ethileko emalungana nokunikelwa kwamalayisense wokuragwa kwamabhizinisi, kanye godu nokuqalelela neendaba ezikhambisana nalokho.
UmThetho wenomboro 69 wamaBhizinisi aValekileko wango-1984: Umnqopho womThetho lo kuqalelela ukuvulwa, nokurejistarwa, nokuhlanganiswa namanye amabhizinisi, nokuphathwa nokulawulwa kanye nokuhlakazwa kwamabhizinisi avalekileko asemtjhonweni weenkwelede.
UmThetho wenomboro 61 weenKhamphani wango-1973: Umnqopho womThetho lo kuhlanganisa nokutjhugulula umThetho ophathelene neenkhamphani, kanye nokuqalelela iindaba ezikhambisana nalokho.
UmThetho wenomboro 75 oLawula ukwAbelana ngeNdawo yokuPhumula wango-1983: Umnqopho womThetho lo kulawula ukuhlukaniswa kwenzuzo yokwabelana ngendawo etholakala ngamahlelo wokwabelana ngendawo yokuphumulela; kanye nokuqalelela iindaba ezikhambisana nalokho.
UmThetho wenomboro 99 wokuVikelwa kwamaBhizinisi wango-1978: Umnqopho womThetho lo kunciphisa amathuba wokusetjenziswa kwezahlulelo ezithileko, imilayelo ethileko, imiphumela yokulamula ngomthetho kanye neencwadi zesibawo kwamazwe wangaphandle eRiphabhligi yeSewula Afrika, kanye nokwalela ukunikelwa kwelwazi eliphathelene namabhizinisi ngokuthambela imilayo nemilayelo namkha iincwadi zesibawo kwamazwe wangaphandle kanye nokuqalelela iindaba ezikhambisana nalokho.
UmThetho wenomboro 45 wokuhlelwa ngobuTjha kokuHlangene ngokuSebenzisana wango-1996: Umnqopho womThetho lo kukwenza ukuthi imithetho ethileko yeenjamiso ezihlangene ngokusebenzisana isebenze kiyo yoke iRiphabhligi yeSewula Afrika, kanye nokubulala eminye imithetho ethileko yokuhlanganela ukusebenzisana. UmThetho lo godu ukghonakalisa nokuhlanganiswa ngokubalelwa emva kweenkampani ezithileko ezivalekileko, usebenze nangezinye iindaba ezikhambisana nalokho.
Ukurhwebelana Okuhle, Ukuphalisana Okuhle Kanye Nokuvikeleka Kwabathengi
UmThetho wenomboro 89 wokuPhalisana wango-1998: Umnqopho womThetho lo kuqalelela ukuvulwa kweKomitjhini yezePhaliswano ezakuthwala umsebenzi wokuphenya, nokulawula nokuhlola ilinganise imikhambo eqintelisako, nokuphalisa amandla wesikhundla, nokuhlanganiswa. Unqophe godu nokuqalelela ukuvulwa kweBandla lezePhaliswana elizakuqala iindaba ezinjalo, kanti godu unqophe nokuqalelela ukuvulwa kweKhotho yokuDlulisela iinLilo zePhaliswana.
UmThetho wenomboro 39 wokuPhalisana oTjhugululwe kwesiBili, wango-2000: Umnqopho womThetho lo kutjhugulula umThetho wokuPhalisana wango-1998, kobanyana kuzokuhlathululwa izitjho ezithileko, kutjhugululwe iinhlathululo ezithileko kusulwe nehlathululo ethileko.
UmThetho wenomboro 71 wezabaThengi wango-1988 (Wokuragwa Kwebhizinisi Ngendlela Engakalungi): Umnqopho womthetho lo kukwalela namkha ukulawula izenzo ezithileko/imikhambo ethileko yamabhizinisi.
UmThetho wenomboro 75 weemVumelwano zeenKwelede wango-1980: Umnqopho womthetho lo kuvikela abathengi abathenga sakuqatjha, abathenga ngesikwelede nabenzelwa imisebenzi ethileko ngesikwelede.
UmThetho wenomboro 39 wokwEmuka iPahla wango-1951: Umnqopho womThetho lo kuqalelela ukwemukwa komuntu inarha kanye nokutholakala kwelungelo lokusebenzisa inarha isikhatjhana.
UmThetho wenomboro 89 wokuTholakala kwePahla eSabalaliswako wango-1970: Umnqopho womthetho lo kuhlomisa uNgqongqotjhe wezomNotho ngamandla wokukhiqiza, nokuthola, nokuqatjha namkha ukuthenga ipahla emazweni wangaphandle.
UmThetho wenomboro 25 wezokuThengisa nokwEnzela abaNtu imiSebenzi wango-1964: Umnqopho womThetho lo kuqalelela ukuthengiswa kwepahla nokwenzelwa kwabantu imisebenzi nokhunye okukhambisana nalokho.
Amabubulo Alawulwako
UmThetho wenomboro 112 wokuThengiswa kweeNdawo wango-1976: Umnqopho womThetho lo kuvikela abathengi abathenga indawo namkha abathengisa indawo ngokusebenzisa abathengisi nabakhangisi beendawo.
UmThetho wenomboro 65 wamaHlelo wokwAkhela abaNtu abaThethe umHlalaphasi iziNdlu, wango-1988: Umnqopho womThetho lo kulawula ukuhlukaniswa kwenzunzo ethileko etholakala emahlelweni wokwakhela abantu abadala izindlu, nokuqalelela iindaba ezikhambisana nalokho.
UmThetho wenomboro 57 wokuLungelelanisa imiThetho yokuBolekisa ngeeMali, wango-1996: Umnqopho womThetho lo kululela ukusetjenziswa komThetho wokuBolekiswa kweeMali wango-1968 eendaweni ezithileko ezazingaphasi kwakaRhulumende oPhakathi nezazingaphasi kwezabelo.
UmThetho wenomboro 27 wezoTjwala wango-1989: Umnqopho womThetho lo kuqalelela ukulawulwa kokuthengiswa kotjwala, nokuqalelela ezinye iindaba eziphathelene nalokho.
UmThetho wenomboro 57 wamaLothari wango-1997: Umnqopho womthetho lo kulawula nokukhandela ukuvulwa kwamalothari nokuhlanganyelwa kwemali yokubheja babheji; ukuvula iBhodi yeLothari yeliZwe loKe, ngokunjalo nokutjhugulula umThetho wezamaPoso wango-1958, nomThetho wezokuGembula wango-1982 (we-Ciskei), kanye nokubulala umThetho wamaLothari womBuso wango-1984 (we-Ceskei), kanye nomLayo wamaLothari wango-1989 (we-Transkei), kanye nokuqalelela nezinye iindaba ezikhambisana nalokho.
UmThetho wenomboro 103 oLawula zokwAkha namaZinga wokwAkha wango-1977: Umnqopho womThetho lo kuqalelela ukukhuthazwa kokuthambela umthetho ngokufana ekwakhiweni kwemakho eendaweni ezingaphasi kwaborhulumende beendawo, nokubeka izinga lokwakha ekufuze lilandelwe, kanye nezinye iindaba ezimalungana nalokho.
UmThetho wenomboro 33 wezokuGembula wango-1996: Umnqopho womThetho lo kuqalelela ukulawulwa nokulungelelwa kweendaba ezithileko ezimalungana namakhasino, ukugembula kanye nokuqalelela ukuthi kulandelwa iindlela ezifanako nezinga elifanako ngokugembula kiyo yoke iRiphabhligi; godu unqophe nokuqalelela ukuvulwa kwamaBhodi wezokuGembula weNarha yoKe, kanye nokuqalelela ezinye iindaba ezikhambisana nalokho.
UmThetho wenomboro 87 owAlela ukwAndiswa kweenKhali eziyiMbubhisa wango-1993: Umnqopho womThetho lo kuqalelela ukulawulwa kweenkhali eziyimbubhisa, nokuvula umKhandlu wokuphatha nokulawula iindaba ezimalungana nokwandiswa kweenkhali ezinjalo eRiphabhligi; kanye godu nokuthola umnqopho nemisebenzi yeenkhali ezinjalo, ngokunjalo godu nokubeka indlela yokusebenza ngazo nokuzilawula, kanye godu nokuqalelela ezinye iindaba eziphathelene nalokho.
UmThetho wenomboro 84 weeNdaba zomKayi wango-1993: Umnqopho womThetho lo kuqalelela ukuvulwa komKhandlu wokuphatha nokulawula iindaba ezithileko zomKayi eRiphabhligi, kanye nokuthola umnqopho nomsebenzi womKhandlu onjalo, godu nokubeka indlela ekufuze umKhandlu loyo usebenze bewulawulwe ngayo.
UmThetho wenomboro 9 wezeTjhukela wango-1978: Umnqopho womThetho lo kuhlanganisa nokutjhugulula imithetho ephathelene nebubulo letjhukela, kanye nokuqalelela nezinye iindaba ezimalungana nalokho.
UmThetho wenomboro 73 wokuBolekisa ngeeMali wango-1968: Umnqopho womThetho lo kuqalelela ukulinganiselwa nokuvezwa kweemali ezibhadaliselwa iimali ezibolekwako, ukuthenga ngeenkwelede, ukuthenga sakuqatjha kanye nezinye iindaba ezikhambisana nalokho, kanti godu unqophe nokubulala umThetho wokuBolekisa ngeeMali wango-1926.
UKURHWEBELANA NEENARHA ZANGAPHANDLE
UmThetho wenomboro 107 weBhodi yeeMali eziBhadaliswako nezokuRhwebelana wango-1986: Umnqopho womThetho lo kuqalelela ukuvulwa kweBhodi yeeMali eziBhadaliselwa ukurhwebelana, nokuqalelela zokurhwebelana, kanye nezinye iindaba ezikhambisana nalezo.
UmThetho wenomboro 4 wesiVumelwana sokuThengiswa kwePahla eeNarheni ngeeNarha wango-1986: Umnqopho womThetho lo kuqalelela ukusetjenziswa kwesiVumelwana sokuThengiswa kwePahla eeNarheni ngeeNarha, kanye nokuqalelela ezinye iindaba ezikhambisana nalezo.
UmThetho wenomboro 78 weenKwelede zokuThengisela ngaPhandle newokuVuselelwa kweTjhorense yamaSiso wangaPhandle wango-1957. Umnqopho womThetho lo kukhuthaza ukurhwebelana neenarha zangaphandle kweRiphabhligi nokuqalelela ukuvuselelwa kwamakontraga wetjhorense noRhulumende weRiphabhligi malungana nokuthengiselwa kwepahla eenarheni zangaphandle, nokusisisa kanye nokubolekiswa kweemali namkha okhunye okukhambisana nomsebenzi wokuthengiselana onjalo loyo.
UmThetho wenomboro 45 oLawula ukuThengiselwa nokuThengwa kwePahla eeNarheni zangaPhandle wango-1963: Umnqopho womThetho lo kuqalelela amagadango wokulawula ukuthengiselwa kwepahla eenarheni zangaphandle, nokuqalelela ukuthengwa kwepahla eenarheni zangaphandle, nokuqalelela ukutjhugululwa komThetho i-War Measures Act, 1956, kanye nokuqalelela nezinye iindaba ezikhambisana nalezo.
UmThetho wenomboro 11 wesiVumelwana seeNarha ngeeNarha seeMumathi eziPhephileko wango-1985: Umnqopho womThetho lo kuqalelela ukusetjenziswa kwesiVumelwana seeNarha ngeeNarha seeMumathi eziPhephileko eRiphabhligi, kanye nokuqalelela ezinye iindaba eziphathelene nalokho.
Amazinga
UmThetho wesiTjhaba wenomboro 76 ka-1973 wamaYunithi namaZinga wokuLinganisa: UmThetho lo uqalelela ukuvula nokusebenzisa eRiphabhligi ihlelo lokulinganisa ngokwehlelo lokulinganisa leentjhabatjhaba iHlelo leenTjhabatjhaba lamaYunithi nezinye iinlinganisi zokulinganisa. Uqalelela ukunikelwa indawo kwamazinga wokulinganisa inarha yoke, uqalelele nezinye iindaba ezikhambelana nalokho.
UmThetho wenomboro 29 ka-1993 wamaZinga: UmThetho lo uqalelela ukukhuthaza ikhwalithi, nokwenza ukuthi kuhlalwe ezingeni elifaneleko lekhwalithi malungana nepahla ethengwako kanye nokwenzelwa kwabantu imisebenzi.
UmThetho wenomboro 77 ka-1973 weMethroloji: Umnqopho womThetho lo kulungelelanisa nokutjhugulula umthetho ophathelene nehlelo lokulinganisa/lokumeda kezerhwebo.
Ituthuko Nerhubhululo
UmThetho wenomboro 22 ka-1940 wokuThuthukiswa kwamaBubulo: Umnqopho womThetho lo kukwakha ihlangano enqophe ukukhuthaza ukuvulwa kwamabubulo amatjha nemisebenzi yawo, nokuthuthukisa amabubulo esele vele akhona njenganje, nokuthuthukisa imisebenzi yayo, kanye nokuqalelela nezinye iindaba ezikhambisana nalokho.
UmThetho wenomboro 31 ka-1962 wokuThuthukiswa kokuSungula: Umnqopho womThetho lo kuqalelela ukukhuthazwa ituthuko nokusetjenziswa kwayo kobanyana kuzosizakala umphakathi ngokuvunjululwa kokuthileko ebekungaziwa, nangokusungula okutjha obekungekho, kanye nangokwenza ngcono lokho ebekuvele kukhona, kanye nokuvula ihlangano ezakukhuthaza ukusungulwa kwezinto iKoporasi yeSewula Afrika yokuThuthukiswa kokuSungula kobanyana izokuqala imisebenzi enjalo, kanye godu nokuyibekela amandla nemisebenzi nendlela ekufuze iphathwe beyilawulwe ngayo, godu nokuqalelela nokhunye okuphathelene nalokho.
UmThetho wenomboro 187 ka-1993 wokuThuthukiswa kokuKhiqiza: Umnqopho womThetho lo kuvula iBhodi yokuThuthukisa imiKhiqizo, nokuqalelela ukuvulwa kwamahlelo wokuthuthukisa imikhiqizo, kanye godu nokuqalelela nezinye iindaba ezikhambisana nalokho.
UmThetho wenomboro 105 ka-1998 wesiKhwama sokuNikela amaNdla: Umnqopho womThetho lo kuvula isikhwama semali sokukhuthaza nokukghonakalisa ukuthi abantu ababedimeke amathuba babe nepahla namafa azabangenisela imali.
UmThetho wesiTjhaba wenomboro 102 ka-1996 wamaBhizinisi amaNcani: Umnqopho womThetho lo kuqalelela ukuvulwa komKhandlu wezamaBhizinisi amaNcani enaRheni yoKe, kanye neNtsika Enterprise Promotion Agency. Ukudlula lapho, umThetho lo godu ukhomba namaviyo womBuso indlela yokukhuthaza amabhizinisi amancani eRiphabhligi, ubuye godu uqalelele nezinye iindaba ezikhambisana nalokhu.
UmThetho wesiTjhaba wenomboro 46 ka-1998 womKhandlu weRhubhululo leSayensi: Umnqopho womThetho lo kuqalelela uqinisekise ukuthi uhlala ukhona usebenza umKhandlu wezeRhubhululo ngezeSayensi nangezamaBubulo, umKhandlu weRhubhululo lezeSayensi namaBubulo, ube uqinisekise nokuthi umKhandlu lo ulawulwa kuhle yiBhodi, uqalelele godu nokhunye okukhambisana nalokho.
UKUVIKELEKA KOBUNIKAZINGQONDO
UmThetho wamaGama wamaBhizinisi wenomboro 27 ka-1960: Umnqopho womThetho lo kuqalelela ukulawulwa kwamagama wamabhizinisi nezinye iindaba ezikhambisana nalokho.
UmThetho wenomboro 37 ka-1997 weemPahla zeZinga eliPhasi: Umnqopho womThetho kubeka amagadango anqophe ukuvimbela ukurhweba ngepahla esisingapahla, ngaleyindlela kuzokuvikeleka abanikazi bamatshayo werhwebo, nelungelo lobunikazi kanye namanye amatshayo ngaphasi komThetho oLawula amaTshwayo wePahla ethengiswako ka-1941, ukuthi angasetjenziswa ngokungasimthetho epahleni esisingapahla ngegama lobunikazi elisemthethweni, nokuvimbela ukuthi ipahla esisingapahla ingavunyelwa ukuyokungena hlangana nepahla ekuthengiselwana ngayo ngokusemthethweni.
UmThetho wenomboro 195 ka-1993 wemiGwalo: Umnqopho womThetho lo kuqalelela ukurejistarwa kwamadizayini kanye nokhunye okukhambisana nalokho.
UmThetho wenomboro 107 ka-1996 wokuHlathululwa kweKghono lokuTlama : Umnqopho womThetho lo kuqalelela ukuhlanganiswa kwamalungelo wobunikazi bengqondo ayengaphasi kwezabelo ezazizibusa embusweni omdala, i-Bophuthatswana, ne-Transkei, ne-Venda, ne-Ciskei kobanyana abe yingcenye yenarha yoke, kanye nokululela umthetho olawula amalungelo wobunikazingqondo asebenze kiyo yoke iRiphabhligi. UmThetho lo godu ubulala neminye imithetho ethileko yamalungelo wobunikazingqondo, ubuye uqalelele nezinye iindaba ezikhambisana nalokho.
UmThetho wenomboro 17 ka-1941 oLawula amaTshwayo wePahla eThengiswako: Umnqopho womThetho lo kuqalelela ukumeregwa kwepahla ethengiswako, nokuqalelelwa kweemphathi ipahla ethengiswako ephuthelwa ngazo, kanye nokusetjenziswa kwamagama athileko namatshayo athileko ebhizinisini.
UmThetho wenomboro 57 ka-1978 wokuNikelwa komTlolo wamaLungelo: Umnqopho womThetho lo kuqalelela ukutloliswa nokunikelwa kwelungelo lokuthengisa ipahla ethileko ngegama elithileko, nokuqalelela ezinye iindaba eziphathelene nalokho.
UmThetho wenomboro 11 ka-1967 wokuVikelwa kwabaDlali: Umnqopho womthetho lo kuvikela abalingisi bemidlalo yesiteyiji nabanikazi bemisebenzi eyenziwe ngezandla.
UmThetho wenomboro 62 ka-1977 wokuTloliswa kwamaGama ngokomThetho wokwenZiwa kwamFilimu namaFilimu: Umnqopho womThetho lo kuqalelela ukurejistarwa kwelungelo lobunikazi emafilimini wokudlalwa abukelwe, nokuqalelela ezinye iindaba ezikhambisana nalokho.
UmThetho wenomboro 194 ka-1993 wamaGama aTloliswe ngokomThetho: Umnqopho womThetho lo kuqalelela ukurejistarwa kwamatshayo wokurhweba, namatshayo weentifikedi kanye namatshayo ahlanganyelweko, kanye godu nokuqalelela okhunye okukhambisana nalokho.
UmThetho wenomboro 76 ka-1976 wemiKghwa yokuRhwebelana: UmThetho lo awukho njenganje.
UmThetho wenomboro 37 ka-1961 wokuseTjenziswa ngokungasimThetho kwamaTshwayo-: UmThetho lo uvikela abasebenzi/abathengi ngokuvimbela ukuthi bangadlali ngamabheji womBuso, ubuye utjengise ukusekelwa komBuso ngepahla/ ngemikhiqizo namkha ngemisebenzi eyenzelwa abantu la bekungabonakali khona ukusekelwa kwawo.
IMISEBENZI YOKWENZELWA ABANTU
Ukulawulwa Kwerhwebelano LeeNarha ngeeNarha
Ukutjhugululwa Kweemali Neemali Ezibuyiselwako
Iintifikedi Zokuzuza Ngomthelo Wepahla Yangaphandle Ebubulweni Lokuthunga - IHlelo Leentifikethi Zomthelo Wepahla Yangaphandle ( i-DCCS ) lathonywa ngomhlaka 1 ku-Apreli ngo-1993 ukukhuthaza abenzi bepahla elukwako/ethungwako nezambatho ukobana bakghone ukuphalisana neenarha zangaphandle , ngaphandle kokuthembela eemalini zokuphungulelwa iindleko mbuso. Kulihlelo lokuzitholela amaphuzu womthelo otheliswa ipahla ethunyelwa eenarheni zangaphandle epahleni ethileko elukwako/ethungwako nezambathweni ngomnyaka othileko.
IZiko lezokuThintana namaKhastama we-dti lizakurhelebha ngemibuzo ongaba nayo malungana nalokhu neminye imihlobo yehlohlomezelo.
Umtato: 0861 843 384
Umtato weentjhabatjhaba : +27 254 9405
Ifeksi : 0861 843 888
Ifeksi yeentjhabatjhaba : +27 254 9406
Iintifikethi Ezifaneleko Zothengisela Ipahla Eenarheni Zangaphandle Ngokwehlelo Lokuthuthukisa Ibubulo Leenkoloyi - Umnqopho walomnikelo kuvula ithuba lokusebenza ngokuphalisana neenarha zeentjhabatjhaba ebubulweni elenza iinkoloyi nelenza iinsetjenziswa zeenkoloyi. Iimbawo zeensetjenziswa zeenkoloyi kufuze bona zifakazelwe njengezifaneleko, nazizakulungela ukurhelebheka ngokwe-MIDP.
Ukuthola eminye imininingwana ngalokhu, thintana nabantu abalandelako napa:
Umtato : +27 428-7748
Ifeksi : +27 428-7780
Umtato : +27 428-7759
Ifeksi : +27 428-7780
Ukukhuphuka Komthelo Wepahla Ethengwa/Ethengiswa Eenarheni Zangaphandle - Umnqopho walomnikelo kukhuthaza umnotho obambelelako ngokwenza ngcono amathuba wokuphalisana kweentjhabatjhaba kanye nokusetjenziswa kwemithombo yamandla ngokupheleleko.
Ukuthola eminye imininingwana ngalomnikelo ungathintana nabantu abalandelako napa:
Umtato: +27 428-7745 Umtato: +27 428-7746
Ifeksi : +27 428-7777 Ifeksi : +27 428-7744
Umtato: +27 428-7759 Umtato: +27 428-7745
Ifeksi : +27 428-7780 Ifeksi : +27 428-7717
Iimali Ezibuyiswa Emthelweni Wepahla Ethengwa/Ethengiswa Eenarheni Zangaphandle Engekho ku-SACU Kobana Isetjenziselwe Ukukhiqiza -
I-dti inemali eyibuyisako emthelweni wepahla ethengwa/ethengiselwa iinarha zangaphandle epahleni engekho ku-SACU kobanyana ingakhiqizwa. Umnqopho walomnikelo kukwehlisa iindleko zeemali ezisetjenziswako, nokhuphula ukusebenza ngokuphalisana namazwe ngamazwe, kanye nokukhuthaza ukwenziwa kwepahla ku-SACU.
Ukuthola eminye imininingwana ngalomnikelo ungathintana nabantu abalandelako napa:
Umtato: +27 428-7745 Umtato: +27 428-7746
Ifeksi : +27 428-7777 Ifeksi : +27 428-7744
Umtato: +27 428-7759 Umtato: +27 428-7745
Ifeksi : +27 428-7780 Ifeksi : +27 428-7717
Ukwehliswa Komthelo Otheliswa Ipahla Ethengwa/Ethengiswa Eenarheni Zangaphandle - Umnqopho womnikelo lo kukwehlisa iindleko kanye nokukhuphula ukusebenza ngokuphalisana kweentjhabatjhaba.
Ukuthola eminye imininingwana ngalomnikelo ungathintana nabantu abalandelako napa:
Umtato: +27 428-7745 Umtato: +27 428-7746
Ifeksi : +27 428-7777 Ifeksi : +27 428-7744
Umtato: +27 428-7759 Umtato: +27 428-7745
Ifeksi : +27 428-7780 Ifeksi : +27 428-7717
Igadango Lokuphikisa Ukulahlwa Kwepahla Engasasebenziko
Ukuginywa Komthelo Wepahla Elahlwako Namkha Wokuphikisa -
I-dti ivikela ibubulo le-SACU ngokukhuphula umthelo otheliselwa ukulahla namkha umthelo wokuphikisa isenzo sokulahla ipahla la umthengiseli ngaphandle wepahla namkha umthengi wepahla yangaphandle awuginya khona woke umthelo wokuphikisa ukulahlwa kwepahla namkha wokuphikisa isenzo sokulahla, okutjho ukuthi la intengo ingatjhuguluki khona namkha la itjhuguluka khona kancazana ngenca yokubekwa komthelo esikhuluma ngawo lo:
Ukuthola eminye imininingwana ngalomnikelo, thintana nabantu abalandelako napa:
Ifeksi : +27 428-7736 Umtato: +27 428-7735
Iposo ye-E:
Umtato: +27 428-7723
Ifeksi : +27 428-7736
Umtato: +27 428-7881
Ifeksi : +27 428-7736
Igadango Elithathelwa Labo Ababalekela Umthelo Wepahla Yokuthengiselana Neenarha Zangaphandle - I-dti ivikela ibubulo le-SACU ngokwandisa namkha ukwelula indawo la umthelo wepahla yokuthengiselana neenarha zangaphandle usebenza khona namkha la kusebenza khona umthetho ophikisa ukulahlelwa kwepahla engasafunekiko endaweni engakafaneli namkha ekutheliswa ngawo ukulahlelwa kwepahla engasafunekiko ndawana, la kubalekelwa khona umthelo wokulahlwa kwepahla ngokufakwa kweemali ezibhadalwako emakorweni la zingakafaneli ukufakwa khona, namkha ngokutjintjwatjintjwa kwamazwe, namkha ngemisebenzi yokuhlanganisa namkha yokuhlanganisela.
Ukuthola eminye imininingwana ngalomnikelo ungathintana nabantu napa abalandelako:
Umtato: +27 428-7817
Ifeksi : +27 428-7736
Umtato: +27 428-7723
Ifeksi : +27 428-7736
Umtato: +27 428-7881
Ifeksi : +27 428-7736
Amaforomo wokwenza iimbawo atholakala ku:
Umtato: +27 428-7735
Ifeksi : +27 428-7736
Igadango Elithathelwa Abalahla La Kungakafaneli Khona - I-dti ivumela ukuphenya ngamagadango aphikisa ukulahlela la kungakafaneli khona, wona alekelela ukuvikela ibubulo le-SACU erhwebeni elingakalungi, lapha abakhiqizi beenarha zangaphandle bathengisela khona ipahlabo ku-SACU ngentengo ephasi kunentengo ekuthengiswa ngayo ngekhaya, ngaleyindlella-ke kulimale ipahla yebubulo le-SACU.
Ukuthola eminye imininingwana ngalomnikelo ungathintana nabantu napa abalandelako:
Umtato: +27 428-7817
Ifeksi : +27 428-7736
Umtato: +27 428-7723
Ifeksi : +27 428-7736
Umtato: +27 428-7881
Ifeksi : +27 428-7736
Amaforomo wokwenza iimbawo atholakala ku:
Umtato: +27 428-7735
Ifeksi : +27 428-7736
Igadango Elithathelwa Ipahla Ethengiselwa Ngaphandle Ephungulelwe Iindleko - I-dti yenza iphenyo lokuphikisa imithelo etheliselwa ipahla yangaphandle ekhuthaza ukuvikeleka kwebubulo le-SACU epahleni ethengwe ngaphandle ngentengo ephungulelwe iindleko ngurhulumende, ngaleyindlela-ke kulimale ipahla yebubulo le-SACU:
Ukuthola eminye imininingwana ngalomnikelo ungathintana nabantu napa abalandelako:
Umtato: +27 428-7817
Ifeksi : +27 428-7736
Umtato: +27 428-7723
Ifeksi : +27 428-7736
Umtato: +27 428-7881
Ifeksi : +27 428-7736
Amaforomo wokwenza iimbawo atholakala ku:
Umtato: +27 428-7735
Ifeksi : +27 428-7736
Ukuphenya Ngokwephulwa KomThetho OLawula IPahla YokuThengisela NgaPhandle - Umnqopho womnikelo lo kuphenya ngokwephulwa komThetho, nokubamba ipahla ethengwe ngaphandle ngokungasimthetho, nokubamba ipahla ethunyelwa emazweni wangaphandle ngokungasimthetho, bese bayabotjhwa bavulelwe amacala labo abaphule umthetho loyo.
Ukuthola imininingwana epheleleko ngalomnikelo, thintana nabantu abalandelako napa:
Umtato: +27 428-7786
Ifeksi : +27 428-7799
Umtato: +27 428-7788
Ifeksi : +27 428-7799
Umtato: +27 428-7789
Ifeksi : +27 428-7799
Ukubuyekezwa Kwabathumelipahla Ngesikebhe Ngobutjha- I-dti lokhu ikwenzelela ukubatjhiya ngaphandle kwamazwe atheliswe umthelo wokuphikisa ukulahlwa kwepahla ukuthi bangabhadali umthelo loyo abathumelipahlangaphandle abatjha, la abathumelipahlangaphandle abanjalo bangaveza khona ubufakazi bokuthi azange bathumelele i-SACU ipahla ekukhulunywa ngayo leyo ngesikhathi ekwakuphenywa ngaso indaba leyo:
Ukuthola eminye imininingwana ngalomnikelo ungathintana nabantu napa abalandelako:
Umtato: +27 428-7817
Ifeksi : +27 428-7736
Umtato: +27 428-7723
Ifeksi : +27 428-7736
Umtato: +27 428-7881
Ifeksi : +27 428-7736
Amaforomo wokwenza iimbawo atholakala ku:
Umtato: +27 428-7735
Ifeksi : +27 428-7736
Ukubuyekezwa Kwesivumelwana Sokungatjhuguluki Kwezinto Emthelweni Wepahla Yangaphandle Esineminyaka Emihlanu - I-dti ngalomnikelo inqophe ukuthola ukuthi sisese khona na isidingo sokobana uragele phambili umthelo wokuthelisa ukulahlwa kwepahla namkha umthelo wokuphikisa osele uneminyaka emihlanu usebenza, ngamanye amagama unqophe ukuthola ukuthi kusezakuragela phambili na ukulahlwa kwepahla eyingozi namkha kusezakuba khona ukuthunyelwa kwepahla eyingozi ngaphandle nakube uyabulawa umthelo wokuthelisela ukulahla ipahla eyingozi engasasebenziko. Umnqopho womnikelo lo kuvikela ibubulo le-SACU engozini yokuphikelela ngokulahlwa kwepahla eyingozi.
Ukuthola eminye imininingwana ngalomnikelo ungathintana nabantu napa abalandelako:
Umtato: +27 428-7817
Ifeksi : +27 428-7736
Umtato: +27 428-7723
Ifeksi : +27 428-7736
Umtato: +27 428-7881
Ifeksi : +27 428-7736
Amaforomo wokwenza iimbawo atholakala ku:
Umtato: +27 428-7735
Ifeksi : +27 428-7736
Ukulawulwa Kwepahla Ethunyelwa Nebuya Ngaphandle
Ukulawulwa Kwepahla Ethunyelwa Ngaphandle - Umnqopho womnikelo lo kulekelela ukukhuphula ubuhle bepahla ngaphambi kobana ithunyelwe emazweni wangaphandle, nokwenza iqiniso lokobana ikhambisana nemibandela yeemvumelwana zamazwe ngamazwe. Umnikelo lo godu ulekelela nokukhuphula izinga lokulawulwa kokukuphuma kwepahla ethathwa ukuthi iyipahla eqakathekileko ngokwehlelo lamaqhinga athileko, namkha ipahla ekhukhuthiswako, namkha ipahla eyetjiweko.
Ukuthola imininingwana epheleleko ngalomnikeloo, thintana nabantu abalandelako napa:
Umtato: +27 428-7786
Ifeksi : +27 428-7799
Umtato: +27 428-7788
Ifeksi : +27 428-7799
Umtato: +27 428-7789
Ifeksi : +27 428-7799
Ukulawulwa Kwepahla Ethengwa Eenarheni Zangaphandle - Umnqopho womnikelo lo kuqinisekisa ukuthi ipahla esetjenzisiweko ethengwa eenarheni zangaphandle ayibulali ibubulo le-SACU. Umnqopho lo godu uphakamisa nehlelo lokulawulwa kwezamaphilo ebhodulukweni, ulekelele nekuphakamiseni ukuphephisa nokuvikeleka kanye nokukhambisana nekhwalithi. Kuphakamisa godu nelawulo lokukhamisana nemithetho nemibandela yebhoduluko.
Ukuthola imininingwana epheleleko ngalomnikelo, thintana nabantu abalandelako napa:
Umtato: +27 428-7786
Ifeksi : +27 428-7799
Umtato: +27 428-7788
Ifeksi : +27 428-7799
Umtato: +27 428-7789
Ifeksi : +27 428-7799
Ukurejistara Nokuhlola
Ukutloliswa Kweenkampani - I-dti ivula ithuba lokuhleleka kwebhizinisi ngokutloliswa ngomThetho weenKampani. Lapha-ke kubalwa ukutloliswa namkha ukufakwa kweenkampani zangeqadi nezombuso ngaphasi kwenye ikampani, kubalwe nokufakelwe kwemininingwana emitjha kanye nokutjhugululwa kwelwazi elimalungana neenkampani ezitlolisiweko, nokuvikelwa kwabasisisi ngokuqinisekisa ukuthi akhamba kuhle amathuba wokusetjenziswa kwamabhizinisi.
Ukuvezwa Kwelwazi Leenhlangano - I-dti inikela ngelwazi leenhlangano eliza limakhophi, amakhophi aqinisekisiweko, kanye nelokukghona ukufika ku-database ye-CIPRO malungana neminyango yomBuso nemininingwana yokuthengisa ngama-CD nangama-hard drive. Umnikelo lo ufakazela nelwazi lemithetho eseencwadini, uqinisekise neendlela iinhlangano ezaziwa ngazo.
Ukuvikeleka Kwamagama - I-dti ivikela iinjamiso ngokuvikela amagama. Umsebenzi lo-ke utjho ukubekela igama ngeqadi ekuzakurejistarwa ngalo ikhamphani namkha ihlangano yangeqadi evalekileko.
Ukutloliswa Kwamalungelo Wobunikazingqondo, Ubunikazigama Kanye Namadizayini - I-dti itlolisela amaLungelo wobuNikazingqondo, abunikazigama namadizayini. Umnikelo lo-ke uvikela amaLungelo wobuNikazingqondo angacajelwa ngabanye abantu, ubuye unikele abanye ababelani ilwazi ngoBunikazingqondo.
Ukutloliswa Kwamagama Wokurhweba Namalungelo Womtlolo - I-dti itlolisela amaGama wokuRhweba namaLungelo womTlolo wokuDlalisa iinThombe eziBukelwako (i-Cinematography). Umnikelo lo ululeka ubonise amakhastama ngeendlela ezihlukileko ezimalungana nokutloliswa kwamagama wokurhweba kanye nokuthi atjho ukuthini emthethweni. Ilungelo lomtlolo nokutloliswa kwegama lokurhweba kubuye kuvikele nobunikazingqondo.
Ukutloliswa Kweenhlangano Zangeqadi Ezivalekileko - Umnikelo lo uqothele khulu khulu amabhizinisi amancani, nalingeneko kanye namancancazana afuna ukungena ekorweni yamabhizinisi ahlelekileko. Amabhizinisi lapha ayasizakala ngomnikelo lo ngoba akghona ukuthathwa njengeenjamiso zomthetho; akghone nokuthendarela amahlelo karhulumende namkha wekoro yangeqadi; abe nethuba elincani lokuba nesikwelede semali, lokho-ke okuvumela ukuhlukaniswa kwamafa wamalungu neenkwelede zeenhlangano zangeqadi ezivalekileko ( ngaleyindlela-ke kube nommoya wokusebenza ngendlela efundisekileko); abe akghone nokuthoma ukuphosela ilithwana emNyangweni wezeNgeniso yeeMali (i-South Africam Revenue Service )
Ukuphenya Nokuhlola
Ukuphenywa Kweenkampani - Umnqopho womnikelo lo kuvumela ukuvulwa kwephenyo ngekampani ethileko nakube kubonakala ungathi ibhizinisi yekampani leyo iragwa ngomnqopho wokudlelezela labo abayiboleke iimali; nakube abantu abakhe baba baphathi namkha abaphathi bekampani leyo banomlandu wokukhwabanisa, ukuliselela umsebenzabo namkha okhunye nje okuphambene nokulunga ekampanini leyo namkha phezu kwamalungu wayo; namkha nakube amalungu wekampani leyo akakanikelwa loke ilwazi eliphathelene neendaba zekampani leyo njengoba balindele.
Ukuhlolwa Kobujamo Beenkwelede Zabathengi - I-dti ithwele umsebenzi wokulawula umThetho wokuBolekisa ngeeMali, nomThetho wokuKweledisa, kanye nomThetho weeNdaba zokuThengisa nokwEnzela abantu umsebenzi. UmThetho wezokuBolekiswa kweeMali ulawula indlela yokuziphatha kwalabo abakweledisa abantu, ulawule indlela imalinzalo ebekwa ngayo, ube ubeke nesilinganiso senani lemali etheliselwa ukuthenga ngesikwelede.
Ukuhlola Ngabathengi - Umnqopho womnikelo lo kuphenyela abathengi, ngehloso yokulawula namkha yokukhandela ukuragwa kwebhizinisi ngeendlela ezingakalungi.
Ukuphenya Ngepahla Esisingapahla - Umnqopho womnikelo lo kuvula ithuba lokuphenya ngepahla esiSingapahla lokhuya umuntu nakacabanga namkha abona ukuthi kwephulwe amalungelo wobunikazingqondo.
I-SABS: Ukukhambisana Ngomthetho Namazinga Asemthethweni Werhwebo Labathengi, Lezamaphilo Kanye Nelezokuphepha - I-SABS ilawula pheze amatjhumi alikhomba weenhlathululo ezikhonjwe ngemininingwanazo ngomthetho, ezikatelelekileko emakorweni ngamakoro. Iinhlathululo ezikatelelekileko ezikhonjwe ngemininingwana zimagadango womthetho neemfuneko zomthetho ezenzelelwe ukuqinisekisa ukuthi ipahla eyenziwe lapha elizweni lekhethu namkha ethengiselwa ilizwe lekhethu ivela ngaphandle namkha ethengiselwa elizweni langaphandle isuka lapha eSewula Afrika ikhambisana nobuncani bezinga leemfuneko kezamaphilo nezokuphepha njengoba kusitjho umthethokambiso wezamazinga, i-South African National Standards.
Amasiso Wangaphandle
Ilwazi Lezomnotho/Lezamabhizinisi - Umnikelo lo umalungana nokunikelwa kwamabhizinisi namkha umnotho weSewula Afrika ilwazi ebasisini abathembisako namkha ebasisini esele bakhona vele. Unqophe ukunikela amakhastama ilwazi elimalungana nokusisisa eSewula Afrika.
Ukuthola umnikelo lo, thintana neZiko lezokuThintana le-dti.
Abadosa umtato bakezinye iinarha: +27 11 254 9405 namkha
Ukughonakalisa Amasiso Wekampani Yakho - I-dti yenzela abantu umsebenzi wezokuthintana neenhlangano zelawulo neminye iminyango karhulumende, ukurarulula imiraro yokudindelana kwemisebenzi, njengamaphemithi wokuhlala kanye nezinye iindaba zelawulo ezifaneleko.
Ukukghonakaliswa Kokutholakala Kwamahlelo Wehlohlomezelo Yokusisisa Yombuso - Umnikelo lo ungatholwa nanyana ngimuphi umsisi namkha loyo ongaba msisi onqophe ukukhulisa namkha ukuvula ibhizinisakhe eSewula Afrika. Abasisi kufuze bona bazalise indlela abahlolwa ngayo ukungavunyelwa ukungena kilamahlelo wehlohlomezelo.
Eminye imininingwana ngomnikelo lo amakhastama angawuthola eZiko lezokuThintana le-dti:
Abadosa bakezinye iinarha: +27 11 254 9405 namkha
Amabhizinisi Amancani
Ukutholakala Kwamahlelo Wechwephetjhe - Umnqopho womnikelo lo kuvula ithuba lokutholakala kwechwephetjhe nelokuduliswa kwekghono nelwazi elifunekako kanye nemisebenzi esekelako kuma-SMME.
I-BRAIN: Irhelo Lokudluliselwa Kwamabhizinisi, Iinyeleliso Kanye Nokwazisa - I-BRAIN isebenzela ukukhuphula izinga lokuphalisana nelokuhluma kwamabhizinisi amancani (ama-SMME) eSewula Afrika, ngokuphakisa ilwazi elifaneleko elinelitho elingezelela ngalo ebhizinisini.
Isiluleko Esilawula Ukukhambisana Nebhizinisi - Umnqopho womnikelo lo kulekelela amabhizinisi ekuzwisisiseni imithetho esebenza emabhizinisini wabo nokuthi kufuze akhambisane njani nemithetho leyo.
I-FRAIN: Irhelo Lelungelo Lokudlulisela Kanye Nelokwazisa - Irhelo lelungelo lokudlulisela nelokwazisa (i-FRAIN) lisebenzela ukuphakisa ngelwazi lekhwalithi ephakemeko nangesizo lokusekela abantu ngamunye kanye namabhizinisi amancani (ama-SMME) ukuqinisekisa ukuhluma nokuthuthuka kwamabhizinisi amatjha navele akhona werhelo lokudlulisela nelokwazisa eSewula Afrika.
Ihlelo Lokufukamela - Ihlelweli lihlanganyelwe yi-DACST ne-dti njengabasekeli beemali la iinhlanganisela zeenhlangano ezinelwazi elikhethekileko ekorweni ethileko zinikelwa khona iimali ukuthi zisungule iimfukameli zebhizinisi yechwephetjhe. Umnikelo lo uqothele nanyana ngiziphi iihlanganisela zeenhlangano ezinelwazi elikhethekileko ekorweni ethileko, begodu nezifisa ukuba nesizo ehlelwenelo. Iinhlanganisela zeenhlangano ehlelweneli zisizakala ngokuthola irhelebholeemali lokusekela umthangalasisekelo namkha/nezinye iindleko
Amaziko Wemisebenzi Yokwenzelwa Abantu Endaweni - Ihlelo leziko Lemisebenzi Yokwenzelwa Abantu Endaweni (i-LBSC) lilihlelo elikhulu lokukhuthaza amabhizinisi amancani, nalingeneko kanye namancancazana (ama-SMME) eSewula Afrika yoke. Ihlelweli linikela umthangalasisekelo welizwe loke ekungakhelwa phezu kwalo ihlelo lokusebenzisana hlangana kwakarhulumende, nabantu bendawo kanye nekoro yangeqadi, kobanyana kuzokuphunyeleliswa iminqopho yehlelo lelizwe loke lokukhuthaza nokuthuthukisa amabhizinisi amancani eSewula Afrika.
UkuMenthara - Umnqopho wokuMenthara kuqinisekisa ukudluliselwa kwelwazi elifundelweko komunye umuntu, ngendlela yokubandula nokufundisa umuntu ngamunye ngamunye. UkuMenthara kunemisebenzi emibili okuyenzela abantu: owenziwa ngaphambi kokubolekwa, nowenziwa ngemva kokubolekwa. Ezingeni langaphambi kokubolekwa, abosomabhizinisi basizwa ngeenluleko, nangokuboniswa sakwakha (i-counsellling) kanye nangokutlanywa kwamaplani wamabhizinisi amahle nathembisa ipumelelo.
Ezingeni langemva kokubolekwa, amakhastama asizwa ngananyana yini yokulawula nokuphatha ibhizinisi ngendlela ephumelelako njengoba kubone ikhastma, imentha namkha bobabili.
IHlelo LokuMenthara - Umnqopho womnikelo lo kusebenzisa abosomabhizinisi abanelwazi nekghono lamabhizinisi ukuthi basize ama-SMME afanele ukusizwa ngokukhuluma nawo ngamunye ngamunye aboniswe abe akhanyiselwe indlela elungileko yokuraga ibhizinisi.
I-SABS : Ifundo Yomtlamo, Ukukhuthazwa Nokuthuthukiswa Komkhiqizo Omutjha - I-SABS Design Institute ikhuthaza ituthuko yomnotho neyechwephetjhe leSewula Afrika ngokuphakamisa ubuhle bokutlama, ngomnqopho wokukhuphula ipumelelo yesitjhaba soke. Amagadango we-SABS Design Institute aqalene neFUNDO YOMTLAMO, AMABUBULO kanye neLWAZI, kanti godu imumethe namahlelo ambadlwana abonongorwana nemitlolo yokutlama.
I-SABS : Ithwasiso Lokulawula iKhwalithi - Abasebenzi bePhiko lezeFundo, ukuThwasisa neTuthuko kwa-SABS bazibophelele ukwenza umsebenzi wekhwalithi ehle, ozalisa iintlhogeko zamakhastama wethu nozalisa lokho akulindeleko.
IrhelebhoEliqothelweko - Lelirhelebholikghonakalisa ukuvulwa kobujamo nebhoduluko elivumela ukukhuthazwa kokuhluma nokuthuthuka kwamabhizinisi wabantu abaqhwalileko, ilutjha kanye nabantu besifazi, libuye likhuthaze ukuthuthukiswa kwabosomabhizinisi beendawo zemaphandleni.
IHlelo LokweLuleka NgeZiko LamaThenda - IHlelo lokweLuleka NgeZiko lamaThenda liqalene namabhizinisi amancani anabantu abahlangana kaba-5 nabama-50, emakontrageni, nemabubulweni wokukhiqiza nenzela abantu imisebenzi.
IHlelo LokuThuthukisa IRhwebo NamaSiso (i-TIDP) - I-TIDP yenzelelwe ukusiza abosomabhizinisi abancani eSewula Afrika bakghone ukuthuthukisa ikghono labo lokuphalisana nabangani babo eemakethe zamazwe ngamazwe.
Irhubhululo Lesayensi
I-CSIR : Irhubhululo - Amakhemikhali - Ilwazi kezamakhemikhali liqalene nerhubhululo, ituthuko nokwenziwa kwalokho okuquntiweko kanye nehlelweni lokunande kuhlolwa iinsetjenziswa.
I-CSIR : Irhubhululo - Ukukhandelwa Kobulelesi - I-CSIR yenza umsebenzi oqakatheke khulu njengeviyo lokusekela ekukhandelweni kobulelesi kanye nechwephetjheni lokulwa nobulelesi. Isiqhema sezazi zelwazi elihlukahlukeneko ekorweni yesayensi nechwephetjhe, sisebenza ngamahlelo akhethekileko wokukhandela ubulelesi.
I-CSIR : Irhubhululo - Zokuvikela Nezokuphapha Emmoyeni - Ukulingisa, ukutlama, ukuhlola nokulingwa kwaboflayi neenkhali zemmoyeni; ukuhlanganiswa kweendawo zokubeka ipahla; iinyeleliso nokusekelwa kwetheknoloji ye-radar; imikhiqizo yokwenziwa ephathelene nezobuhloli; ipi ngezokwazisa; ipi ngezama-elektroniki; ukulawula; ukufanisela nokulingisa; amarherho wobunjiniyera ngezama-elektroniki; kanye netheknoloji yezelwandle.
I-CSIR: Irhubhululo - Ukudla, Iinselo Nokuthiya - Lenza imisebenzi yetheknoloji ekudleni, eenselweni, ekusebenzeleni ukwenzela abantu/iminyanya ukudla, kezobuhle, emakhemikhalini asiliweko, kezeentolo ezingasimaholiseyila kanye nakezokulima.
I-CSIR : Irhubhululo - Itheknoloji yezokwazisa - Imisebenzi yetheknoloji yezokwazisa, zokuthintana netheknoloji yezomkayi ithoma ekuthunyelweni kwesethilayithi emkayini nekunikeleni iindlela zokurarulula zokwazisa eziphathelene nomhlaba, ukuya ekuthuthukisweni kweendlela zokurarulula imiraro yamakhastama nezokubonisana ngetheknoloji yezokwazisa kanye nezokuthintana, ukuya ekutjaleni itheknoloji yangomuso ngamagadango wokuvula amahlelo amatjha nawokuvula amabhizinisi wetheknoloji kanye nokuvulwa kwamabhizinisi ngendlela eyidijithali.
I-CSIR: Irhubhululo - Ukukhiqiza Nemethiriyeli - Ukurarululwa kwemiraro ngendlela yerhubhululo neyetheknoloji edosela ekukhuthazweni kwerhwebo, umthethokambiso, ukuphakanyiswa kwamabhizinisi akhiqizako, ukuthuthukiswa kwamahlelo nokuphakanyiswa kwawo, ukutlanywa kwemikhiqizo nokuthuthukiswa kwayo kanye nobunjiniyera bamamethiriyeli. Liveza iindlela ezilungelelweko zokurarulula imiraro yokukhiqiza ngokuhlanganisa itheknoloji nehlelo lokuphakamisela ibhizinisi ezingeni eliphezulu kanye nokuthwasisa nefundo efaneleko.
I-CSIR : Irhubhululo - Iimayini, Isimbi Kanye Namaminerali - Ilwazi elikhethekileko lobunjiniyera bamatje kanye nokwenziwa kwamathulusi wokwenza umsebenzi wokwemba uphephe, nakusetjenzelwa ukuphakamisa izinga lokwemba: ukutlanywa kweendlela ezitja namathulusi amatjha wokukhandela ukudumuza ngaphasi emgodini kanye nokwehlisa iinsilaphazi ezikhamba ngomoya ezinjengomtjhiso, ithuli nemisebe, kanye nokwenza ngcono izinga lokuveza umphumela womsebenzi (izinga lomkhiqizo) nokuphepha ngehlelo lokusebenza kweemayini nelokwenza amathulusi namaqhinga wokuphakamisa ihlelo lokusebenza kweemayini lesikhathi esifitjhani nelesikhathi eside.
I-CSIR : Irhubhululo - Amanzi, Ibhoduluko Nezamahlathi - Itheknoloji yokuhlolwa nokulawulwa kwebhoduluko, imithombo yamandla ephathelene nezomhlaba, zamahlathi nemikhiqizo yamahlathi, ukulawulwa kwemithombo yamanzi, ukuthuthukiswa kweendawo zelwandle nemithombo yamandla ephathelene nezemanzini.
Irherho Le-SA Lokulinganisa Ikhwalithi
Irherho Le-SA Lokulinganisa Ikhwalithi (i-SQAM) - Irherho LeSewula Afrika Lokulinganisa Ikhwalithi (i-SQAM) yindlela yokulinganisa ikhwalithi ngokupheleleko (eqala mahlangothi woke) esetjenziswa ngurhulumende ukuphakamisa izinga lokusebenza nokuphalisana kwamabhizinisi eSewula Afrika.
I-SABS: Ilwazi Ngamazinga Wamazwe Ngamazwe - IZiko lezokwAzisa le-South African Bureau of Standards kulapha kuthoma khona zoke izinto ngelwazi lamazinga. Linama-500 000 wamazinga, ihlathululo yemininingwana, irherho lokwenza izinto kanye neendlela zokuhlola ekunganande kuqalwa kikho.
I-SABS : Ithwasiso Lokulawula iKhwalithi - Abasebenzi bePhiko lezeFundo, ukuThwasisa neTuthuko kwa-SABS bazibophelele ukwenza umsebenzi wekhwalithi ehle, ozalisa iintlhogeko zamakhastama wethu nozalisa lokho akulindeleko.
Ukurhwebelana Namazwe Wangaphandle
Ukwakhiwa Kwekghono Lokuthengisela Amazwe Wangaphandle - I-dti ilekelela abarhwebi abathengisela ipahla yabo emazweni wangaphandle ukwakha ikghono labo lokuthengisela amazwe wangaphandle, ngokwandisa umthamo wabo wokukhanda/wokukhiqiza ipahla abangayithengisela amazwe wangaphandle ngehlelo le-TIDP elilawulwa yiNtsika. Ihlelweli livumela abarhwebi abathengisa ipahlabo ngaphandle ukuthi bakhuphule idizayini yemikhiqizwabo, bakhuphule nehlelo labo lokukhiqiza, nezinga labo letheknoloji, nendlela abapaka/abaphuthela ngayo imikhiqizwabo kanye nekghono labo lokumaketha.
Umsebenzi Oyelelisa Ngepahla Ethengiselwa Amazwe Wangaphandle - I-dti inikela iinyeleliso ngokuthi ipahla ingathengiselwa njani amazwe wangaphandle ngama-31 we-FAQ ubuncani bakhona ehlathululwe kuhle eneempendulo ezimalungana nokuthengisela ipahla emazweni wangaphandle useSewula Afrika, namabanga wokuthi kubayini umthengiselingaphandle kufuze athengisele iinarha zangaphandle ipahlakhe aseSewula Afrika, namahlelo atjengiswe afanekiswa kuhle wokuthengisela amazwe wangaphandle ipahla kanye nawokuzombelezisa ipahla, kanye nelwazi elingezelelweko elinjengerherho lamakhowudi womthelo obhadaliselwa ipahla ethengiselwa amazwe wangaphandle, namaforomo kanye namaphepha ekufuze azaliswe.
Ukuthola umnikelo lo, amakhastama angathintana neZiko lezokuThintana le-dti:
Abadosa umtato bakezinye iinarha: +27 11 254 9405 namkha
Ilwazi Ngemakethe Yokuthengisela Ngaphandle - I-dti yazisa amakhastama ngeemakethe zepahla ethengiselwa amazwe wangaphandle, nangamathuba akhona eemakethe, iwaphe neempendulo emibuzweni evame ukubuzwa, iwazise ngemibiko yamazwe, nangemibiko yehlolombono yeemakethe, kanye nangeencwajana ezimalungana nokurhebelwana ngekululeko. Amakhastama azakwaziswa ngeentlhogeko ekufuze zizaliswe umuntu nakazakukghona ukungena eemaketrhe zangaphandle, alekelelwe godu nokuthola iimakethe angathengisela kizo ipahlazo emazweni wangaphandle. Umnikelo lo uqothele ama-SMME, nama-BEE, nama-WEE kanye nabathengiselingaphandle abakhulu abazakusizakala ngokwazi iimakethe iSewula Afrika eziqotheleko ngeemvumelwana zokurhwebelana nangokuthengiselwa kwepahla amazwe wangaphandle.
Ukuthola umnikelo lo, amakhastama angathintana neZiko lezokuThintana le-dti:
Abadosa bakwezinye iinarha: +27 11 254 9405 namkha
Indlela Yokuhlola Ukulungela Ukuthengisela Ngaphandle - I-dti inephepha lemibuzo yokuzihlola esiza ngalo abathengiselingaphandle ukuthola ukuthi bakulungele kangangani ukuthengisela ipahlabo emazweni wangaphandle.
Ukulinganisa Abathengiselingaphandle BeSewula Afrika Nabathengi Bangaphandle - Ekuwona mnqopho walomnikelo kuhlanganisa abathengiselingaphandle beSewula Afrika beenkampani esele zikulungele ukuthengisela iinarha zangaphandle nabathengi beenarha zangaphandle namkha labo abangakghona ukuthenga ipahla ebuya emazweni wangaphandle. Umnikelo lo uzakwenza abathengiselingaphandle beSewula Afrika bakghone ukukhulisa iimakethe zabo zangaphandle.
Zoke iinkampani ezithengisa ipahla yazo ngaphandle nalezo esele zikulungele ukuthengisa ngaphandle, sekubalwa nama-SMME nama-BEE, zingawuthola umnikelo lo. Abathengi bepahla yangaphandle kanye nalabo abathengisela ipahlabo ngaphandle bahlolwa ngeendlela ezihlukahlukeneko ukuthola ukuthi bayakghona na ukuzalisa iindingo zomunye komunye. Ngemva kwalokho-ke iinkampani ezingeziphambili ziyathonyaniswa, bese ziyaziswanwa. I-dti izakuqalelela ubudlelwana bazo obusathomako bebuqine bunzinze, bekutlikitlwe neemvumelwana.
Ukuthola umnikelo lo, amakhastama angathintana neZiko lezokuThintana le-dti:
IHlelo Lokuhlanganyela Emabubulwelweni Enarheni Yoke - i-NIP - Ihlelweli lihlelo elinqophe ukutjhayela iinthelo zomnotho, begodu linjalo nje lisekela ukuthuthukiswa kwamabubulo weSewula Afrika ngokusebenzisa ihlelo lakarhulumende lokutholakala kweensetjenziswa zakhe. Ihlelo le-NIP lingasetjenziswa kiwo woke amahlelo wokuthenga karhulumende naweenhlangano eziwela ngaphasi kwakarhulumende namkha amakontraga wokuqatjhisa (ipahla namkha imisebenzi eyenzelwa abantu) anomthamo wepahla ovela ngaphandle olingana namkha odlula i-US$10 million.
Amalungelo Wabathengi
Iinyeleliso Zabathengi Nokudluliselwa Kwabo Phambili - I-dti ilawula umthetho ovikela abathengi emakorweni ahlukahlukeneko. Umthetho lo uvikela abathengi emabhizinisini angathembekiko, ulawule ukuziphatha kwababolekisi ngeemali abancani, namabhanga kanye neentolo ezithengisa ngesikwelede, ubuye ulawule godu nabathengisi beendawo. Umthengi ohlangabezana nomraro ngalokhu okungehla angaveza isililo sakhe namkha afune irhelebho namkha isiyeleliso.
Imali Yehlohlomezelo Neyetuthuko
Ukusekelwa Kwamasiso
Isikhwama Somthangalasisekelo Esiqakathekileko - IHlelo lomThangalasisekelo eliQakathekileko lisiza ngemali enqophe ukwakha umthangalasisekelo namkha ukuthuthukisa umthangalasisekelo esele vele ukhona onqophe ukusekela namkha ukusebenzela amahlelo amatjha wamasiso, ukukhulisa amahlelo wamasiso esele vele akhona.
Umnikelo Wamasiso Wangaphandle - Umnikelo wamasiso wangaphandle unqophe ukukhuthaza abosomabhizinisi bamazwe wangaphandle ukuthi basisise emabhizinisini amatjha walapha eSewula Afrika ngokubhadala usomabhizinisi wangaphandle ngeendleko ezifaneleko zokukhambisa imitjhini emitjha nezinye iinsetjenziswa ezitja ukusuka emazweni wangaphandle ukuza eSewula Afrika.
Isibonelelo Selifa Lokukhiqiza - Umnqopho womnikelo lo kuphungula inani lamaplatifomu weenkoloyi nemihlobo yeenkoloyi ehlanganiselwa lapha eSewula Afrika, ekhambisana namasiso andisiweko nepahla ethengiselwa ngaphandle eyande ngomthamo wakhona lapha ekhethu. Umnikelo lo uzakongela ikhastama imali ngokusebenzisa isitifikedi sokubuyiselwa ingcenye ethileko yemali ebhadaliweko, ukuginya iindleko zomthelo otheliswa iinkoloyi ezikhandwe zathengiselwa amazwe wangaphandle.
Ihlelo Lokusekela Amakghono Afundwako - IHlelo lokuSekela amaKghono aFundwako (i-SSP) mnikelo wemali enikelelwa ukufundisa nokuthuthukisa amakghono afundwako ngomnqopho wokukhuthaza ukuthwasiswa nokuvulwa kwamathuba wokufundwa kwamakghono afundelwako amatjha nathuthukileko.
Amaprojekthi Wamaqhinga Wamabubulo - Iprojekthi le ijamele igadango lakarhulumende lokusungula nokuphakamisa izinga lokusisisa lekoro yangeqadi emabhizinisini eza namaqhinga amatjha, nenza imali eSewula Afrika, ukube ngakelinye ihlangothi avula amathuba wemisebenzi ekorweni yamabubulo.
Ukuthuthukiswa Kwamabhizinisi Amancani
IHlelo le-Danida leBhizinisi neBhizinisi, Isikimu Sokuqinisekisa Ukukweledisa - Umnqopho weHlelo leBhizinisi neBhizinisi kukwakha nokuqinisa amathuba wamabhizinisi, nokuvulela abosomabhizinisi abafaneleko bemiphakathi eyayidimeke amathuba imisebenzi. Lokhu-ke kwenziwa ngokusekela amabhizinisi enza imali, akhiwe ngokuhlanganyelwa ziinkampani zeSewula Afrika neze-Denmark.
IHlelo Labosomabhizinisi Abasasikimako, Isikimu Sokuqinisekisa Ukukwelediswa - IHlelo laboSomabhizinisi abasaSikimako libolekisa abosomabhizinisi abasasikimako ngemali, ukufikela ku-R100 000, ebuyiswa nenzalo eyi-4% ngomnyaka. Isikhathi sokubuyisa imali le ziinyanga ezima-24 ekuthomeni, kodwa isikhathesi singelulwa kathathu, ngeenyanga ezili-12 ngasikhathi sinye. Imibandela yalokhu-ke kumentharwa kwemali ebolekisiweko le.
ISikimu sokuhlomisa Ngamandla Womnotho, Isikimu Sokuqinisekisa Ukukwelediswa - Isikimu Sokuhlomisa Ngamadla Womnotho sibhadalela imali ebhanga, ukufika ku-R5m nge-60%, ebuyiswa nenzalo eyi-2,5% ngomnyaka. Isikhathi sokubuyisa imali le ziinyanga ezima-36 ekuthomeni, kodwa singelulwa kabili, ngeenyanga ezili-12 ngasikhathi sinye.
IsiQinisekiso somuntu Ngamunye, Isikimu Sokuqinisekisa Ukukwelediswa - Umnqopho wesikimu sokuqinisekisa umuntu ngamunye kukwenza usomabhizinisi akghone ukuboleklwa imali ebhanka ebolekisako namkha kenye ihlangano yeemali. Isikimesi senza usomabhizinisi akghone ukuthola imali yokuvula, ukukhulisa namkha ukuthenga ibhizinisi. Ngehlelo lokubolekwa iimali leSikimu seKhula sokuQinisekisa, usomabhizinisi uvamise ukubolekwa imali ngokwayo, avulelewe ne-overdraft, athole nehlelo lesikwelede elibizwa ngokuthi yi-revolving credi, athole nama-instalment sales, nesiqinisekiso sebhanka kanye neenqinisekiso zokuthi ibhizinisakhe iraga njani (i-performance construction garantee).
I-KwaZulu Rehabilitation Trust Fund, Isikimu Sokuqinisekisa Ukukwelediswa - Isikhwamesi sabekela ngeqadi imali eyi-R10m ezakusetjenziselwa abosomabhizinisi baKwaZulu abonakalelwa mabhizinisi ngemigurgurguru ukufikela ngo-1994. Isikhwamesi-ke senzelwe ukusiza abosomabhizinisi abafuna ukubuyela ebhizinisini, ngesibambiso sokubolekwa imali. Kungenzeka ukuthi usomabhizinisi njenganje sewuraga omunye umhlobo webhizinisi, nangabe kunjalo, kufuneka ukuthi usomabhizinisi loyo aveze ubufakazi bokuthi ibhizinisakhe yaphambilini yabulawa mguruguru.
Iindawo Zokubolekisa Ngeemali Ezincani - IKhulaStart isebenzisa indlela yokubolekisa imali eenqhemeni namkha eenhlanganweni, hayi emunwtini ngamunye. Abantu bayahlangana babe siqhema sabantu aba-3 ukuyokufika e-10, bese baboleka imali-ke kwaKhulaStart. Kodwa-ke kufuze bona bazalise imibandela ebekelwe isiqhema esifuna ukubolekwa imali. Okuqaktheke kinakho koke kukuthi isiqhemeso kufuze bona sibumbane sibe munye. Imali ebolekiswako-ke lapha ikhutjhwa ngokunande ikhuphuka, ukusukela ku-R300 ukuyokufika ku-R3 500 ilungu ngalinye esiqhemeneso. Isiqhema ngokwaso-ke ngiso esiquntako ukuthi ilungu ngalinye lizakuthola malini, kuye ngokuthi ilungu ngalinye lenza bhizinisi bani. Yoke-ke imali ebolekwe isiqhemeso, ngaphandle kokuqala ukuthi ilungu ngalinye libolekwe malini, isikwelede saso soke isiqhemeso.
Iimali Zesizo Lokulungisa Eemphandeni - Akunakuzaza ukuthi kuyafuneka ukuthi kube nemali eqalelele ubungozi bebhizinisi, yokusekela amaBhizinisi amaNcani naLingeneko (ama-SME), khulu khulu lawo asekelwe bosomabhizinisi ababedimeke amathuba phambilini. Amabhanga amanengi nezinye iinhlangano zeemali sebavule ihlelo leemali zokusiza ukulungisa nokulinganisa indima emabhizinisini, kibosomabhizinisi.
Isikhwama Sokusebenzisana Ebhizinisini Efanako - IsiKhwama sokuSebenzisana eBhizinisini sibolekisa ngemali emafemini/eenhlanganweni zokukhiqiza, ezisebenza imikhiqizo yokulima namkha amafemu wechwephetjhe lezokwazisa, we-ITC, ukuhlathulula nokusebenzisa amahlelo ahlanganyelweko aphathelene nokukhiqiza nokumaketha okuzakuphakamisa ikghono nezinga lawo lokukhiqiza nelokuphalisana nabanye emazweni ngamazwe.
Ihlelo Elisekela Amakghono - IHlelo eliSekela amaKghono afundwako i-SSP lihlelo elikhupha imali yokufundisa nokuthuthukisa amakghono wokwenza, ngomnqopho wokukhuthaza ukuzibekela ilifa ngokuthwasiselwa umsebenzi nokuvulwa kwamathuba wokufunda amakghono amatjha athuthukileko.
Ihlelo Lokuthuthukisa Amabhizinisi Amancani Nalingeneko - IHlelo lokuThuthukisa amaBhizinisi amaNcani naLingeneko (i-SMEDP) lihlelo elisiza abasisi balapha eSewula Afrika nebangaphandle ngemali yokuzikhulisela amabhizinisabo abanawo njenganje; ukuthola imali le-ke kuya ngokuthi usomabhizinisi loyo unayo na ipahla yebhizinisi efunekako, kuqalwe godu nokuthi wenza bhizinisi bani, njani.
Isikimu Esijayelekileko, Isikimu Segaranthi Yokukwelediswa - IsiKimu esiJayelekileko sibhadalela imali ebhanga ukufika ku-R1m nge-80%, ebuyiswa ngemalinzalo eyi-3% ngomnyaka. Isikhathi sokubuyisa imali le siziinyanga ezima-36 ekuthomeni, kodwa zingelulwa kabili ngeenyanga ezili-12 ngasikhathi sinye. Kulandelwa ikambiso ejayelekileko.
Isikhwama Sokuqinisekisa Sokudluliswa Kwetheknoloji, Isikimu Sokuqinisekisa Sokukwelediswa - Umnqopho wesikhwamesi kuvula ithuba lokuthola irhelebho lezetheknoloji lalapha ekhethu nelakamanye amazwe ngokuvula isikhwama sokuqinisekisa sokudluliswa kwetheknoloji kobanyana abosomabhizinisi abancani, abancancazana kanye nabalingeneko (ama-SMME) bazokwazi ukuthola irhelebho letheknoloji lapha ekhethu namkha emazweni ngamazwe njengoba kusitjho ihlelo le-GEAR ukuthi amafemu avule indlela yokutholakala kwetheknoloji efunekako.
IHlelo Lokubolekwa Iimali Zokutjhugulula Iindaba Zenarha - i-LRCF - IHlelo lokuBolekwa Iimali zokuTjhugulula iiNdaba zeNarha lihlelo elipheleleko lokusiza ngeemali elitholakala kwaKhulisa Enterprise Finance Ltd, ngomnqopho wokukhuthaza amabhizinisi wangeqadi ukufaka isandla eHlelweni lokuTjhugululwa kweNarha. I-LRCF isekelwe ngeemali mNyango wezeeNarha kanye ne-European Union. Ihlelweli liphumelelisa umnqophalo ngokukhwezelela amabhanga nezinye iinhlangano ezinegama ekubolekiseni ngeemali ukuthi zizibekele ngokusiza amahlelo ahlanganyelweko wokulima wezinga eliphezulu namahlelo ahlanganyelweko wezamavakatjho nezebhoduluko, ngaleyindlela-ke kuvuleke amasiso wekoro yangeqadi kezokulima, zebhizinisi yokulima kanye nezamavakatjho nebhoduluko.
Ukwandiswa Komoya Wokuphalisa
Isikhwama Sezinga Lokuphalisana - Umnqopho womnikelo lo kuvulela iinkampani indlela nethuba lokuthola ilwazi lechwephetjhe elitjha, amahlelo wokukhiqiza kanye neemakethe ezitja kobanyana azokwazi ukuphakamisa izinga lawo lokuphalisana nabangani bawo. Isikhwamesi senza iqiniso lokobana amakampani ayazi ngechwephetjhe elitjha, ayakghona nokulithola abe alisebenzise kobanyana azokuphakamisa izinga lawo lokukhiqiza, ngaleyindlela abe akwazi nokungena eemakethe ezingcono.
Isikhwama Sokusebenzisana Ebhizinisini Efanako - IsiKhwama sokuSebenzisana eBhizinisini sibolekisa ngemali emafemini/eenhlanganweni zokukhiqiza, ezisebenza imikhiqizo yokulima namkha amafemu wechwephetjhe lezokwazisa, we-ITC, ukuhlathulula nokusebenzisa amahlelo ahlanganyelweko aphathelene nokukhiqiza nokumaketha okuzakuphakamisa ikghono nezinga lawo lokukhiqiza nelokuphalisana nabanye emazweni ngamazwe.
Ihlelo Elisekela Amakghono - Ihlelo Elisekela amakghono (i-SSP) lihlelo elikhupha imali yokufundisa nokuthuthukisa amakghono wokwenza, ngomnqopho wokukhuthaza ukuzibekela ilifa ngokuthwasiselwa umsebenzi nokuvulwa kwamathuba wofunda amakghono amatjha athuthukileko.
Ihlelo Lokusekela Amagadango Amatjha Emabubulweni - IHlelo lokuSekela amaGadango amaTjha emaBubulweni lihlelo elinqophe ukukhuthaza iindlela ezitja zokukhiqiza namkha amahlelo wokukhiqiza amatjha eSewula Afrika akghona ukuphalisana namanye amazwe ephasini loke.
Itheknoloji Yamandla Wabantu Ehlelweni Lamabubulo - Itheknoloji yaMandla wabaNtu eHlelweni lamaBubulo yihlohlomezelo la amabubulo norhulumende basiza khona ngemali yokwenza irhubhululo basebenzisani beemfundiswa, khulu khulu ekufundisweni nekuthwasisweni kwabafundi.
Isikhwama Segaranthi Yokudluliswa Kwetheknoloji - Umnqopho wesikhwamesi kuvula ithuba lokuthola irhelebho letheknoloji lalapha ekhethu nelakamanye amazwe ngokuvula isikhwama sesiqiniseko sokudluliswa kwetheknoloji kobanyana abosomabhizinisi abancani, abancancazana kanye nabalingeneko (ama-SMME) bazokwazi ukuthola irhelebho letheknoloji lapha ekhethu namkha emazweni ngamazwe njengombana kusitjho ihlelo le-GEAR ukuthi amafemu avule indlela yokutholakala kwetheknoloji efunekako.
Imikhumbulo Emitjha Netheknoloji
Umnqopho wesikhwamesi kuvula ithuba lokuthola irhelebho letheknoloji lalapha ekhethu nelakamanye amazwe ngokuvula isikhwama sesiqinisekiso sokudluliswa kwetheknoloji kobanyana abosomabhizinisi abancani, abancancazana kanye nabalingeneko (ama-SMME) bazokwazi ukuthola irhelebho letheknoloji lapha ekhethu namkha emazweni ngamazwe njengoba kusitjho ihlelo le-GEAR ukuthi amafemu avule indlela yokutholakala kwetheknoloji efunekako.
Irhelebho Lokuthengisela Ngaphandle
Ukumakethwa Kwepahla Ethengiselwa Ngaphandle Nesikimu Sokulekelela Amasiso - Umnqopho wokulekelela ngaphasi kokuMakethwa Kwepahla Ethengiselwa Ngaphandle Nesikimu Sokulekelela Amasiso (i-EMIA) kulilisa abathengisi abathengisela amazwe wangaphandle ipahlabo ngemadlana yeendleko ezithileko abangena kizo nabenza imisebenzi enqophe ukuvula nokuthuthukisa iimakethe zangaphandle zokuthengisela ipahla yeSewula Afrika nemisebenzi eyenzlewa abantu, kanye nokudosa amasiso amatjha angeza lapha eSewula Afrika bunqopha.
Isibonelelo Selifa Lokukhiqiza - Umnqopho womnikelo lo kuphungula inani lamaplatifomu weenkoloyi nemihlobo yeenkoloyi ezihlanganiselwa lapha eSewula Afrika, ekhambisana namasiso andisiweko nepahla ethengiselwa ngaphandle eyande ngomthamo wakhona lapha ekhethu. Umnikelo lo uzakongela ikhastama imali ngokusebenzisa isitifikedi sokubuyiselwa ingcenye ethileko yemali ebhadaliweko, ukuginya iindleko zomthelo otheliswa iinkoloyi ezikhandwe zathengiselwa amazwe wangaphandle.
Iindawo Zokuthuthukisela Amabubulo - Iindawo Zokuthuthukisela Amabubulo (ama-IDZ) ziindawo zamabubulo angatheliswako ngokuthengisela amazwe wangaphandle ipahlawo, ezinikela iindlela zezinto zokuthutha, neensetjenziswa nemisebenzi eyenziwe yalungela amabubulo athumela ipahla emazweni wangaphandle. Leziindawo-ke ngokuvamileko zakhiwa hlanu kweenteyitjhi zeenkebhe namkha hlanu kwamadoyelo waboflayi, kobanyana zizokuba nobungeno obulula eemakethe zaphetjheya.
Amasiso
Kubayini Kufuze Kusisiswe eSewula Afrika
Ukusimelela Komnotho Okupheleleko
Amathuba Weemakethe
Ilwazi Ngamabubulo/Ngamagatja Wamabhizinisi
Iindleko Zokuraga Ibhizinisi
Amakghono
Umthangalasisekelo Weemali
Umthangalasisekelo Wezokuthutha Neensetjenziswa
Amandla Wemithombo Yemvelo
Ibhoduluko Lezelawulo
Ukutheliswa
Imithethokambiso Yokuphalisana
Iindawo Zokuthuthukisela Amabubulo
Iimvumelwana Zokurhwebelana
Amalungelo Wobunikazingqondo
Eminye Imithetho Yokulawula
Ikhwalithi Yepilo
Ukuhluka Ngamasiko
Ifundo
Zamaphilo
Ubulelesi
Irhelebho Lokuthengisela Iinarha Zangaphandle
Iragwa Njani Ibhizinisi eSewula Afrika
Uthomaphi
Imithetho Yezamasiso
Ihlohlomezelo
Ukukghonakaliswa Kwamasiso
Uthintana Njani Nabanye
Ukuthoma Ibhizinisi
Ithonywa Njani Ibhizinisi
Ihlathululo Yebhizinisi Encani
Ukutholwa Komkhumbulo/Kwengqondo Yebhizinisi
Umoya Webhizinisi
Ukurhubhulula Ngekghono Lokuphalisana
Imihlobo Yamabhizinisi
Ukusekelwa Kwebhizinisi Ngeemali
Amapheyithenthi Namatshayo Wokuthengisa
Ukutlanywa Komtlamo Webhizinisi
Ukurejistarwa Kwebhizinisi
Ukutheliswa
Ukuphathwa Kwebhizinisi
Indlela Yokuphatha Ibhizinisi Yoke
Umthombo Wamandla Wabasebenzi
Ukulawulwa Kweemali
Ukumaketha
Ukulawulwa Kwekhwalithi
Ukuthenga
Ubunjiniyera, Irhubhululo neTuthuko
Ukuhlelela Ingomuso
Amathuba Webhizinisi
Ukuthenga Ibhizinisi
Ukufrentjhayiza
Iimakethe Zokuhluma
Amathuba Wamathenda
Iincwadi Zerhwebo Lamabhizinisi
Okuqothelwe Ukutholwa
Ukuhlanganyela Komphakathi Nokwangeqadi
Abahlanganyeli Bebhizinisi Bamazwe Ngamazwe
Abanikeli Nabasekeli Ngeemali
Iinsetjenziswa Ezitloliweko
Ipahla Yokwabelana
Ukusekeleka Kwebhizinisi
Abosomabhizinisi Besifazi
Abosomabhizinisi Abatjha
La Ungathola Khona Irhelebho
Iinjamiso Zeemali Zeentolo
Ibhoduluko Lemisebenzini Nomthetho
Ukuthwasisa Nababonisi
Izehlakalo
Irhwebo Namasiso
Abenzeli Bemisebenzi
Inhlangano Zamagatja Wamabubulo
Ukukhulisa Ibhizinisi
Ikhuliswa Njani Ibhizinisi
Uburholi, Iinrhuluphelo neSiko
Ukwakhiwa Kwesiqhema Esiphumelelako
Ukulawulwa Kwendlela Yokusebenza
Ukuphehlwa Kwelwazi
Iqhinga Lobuphalisani
Ukuphehlwa Kwechwephetjhe Lezokwazisa
Ukulawula Kwetjhuguluko
Ukuphakanyiswa Kwelimuko Nekghono Lokudosa Amehlo
Ukunabisa Imakethe
Ukuthengisa Ngcono
Ilimuko Elingcono Lelwazi Ngomthengi
Iindleko Eziphasi
Ukuphungulwa Kobungozi Bokuba Mnikazimatjhere
Ukusekelwa Kokuhluma Ngeemali
Ukuphathwa Kwebhizinisi
Indlela Yokuphatha Ibhizinisi Yoke
Umthombo Wamandla Wabasebenzi
Ukulawulwa Kweemali
Ukumaketha
Ukulawulwa Kwekhwalithi
Ukuthenga
Ubunjiniyera, Irhubhululo neTuthuko
Ukuhlelela Ingomuso
Ukusekeleka Kwebhizinisi
Abosomabhizinisi Besifazi
Abosomabhizinisi Abatjha
La Ungathola Khona Irhelebho
Iinjamiso Zeemali Zeentolo
Ibhoduluko Lemisebenzini Nomthetho
Ukuthwasisa Nababonisi
Izehlakalo
Irhwebo Namasiso
Abenzeli Bemisebenzi
Inhlangano Zamagatja Wamabubulo
Ukuthengisela Ipahla Eenarheni Zangaphandle
Funda Ukuthengisela Ngaphandle
Ukuhlolwa Kokulungela Ukuthengiselwa Ngaphandle
Ihlelo Lokuthengisela Ngaphandle
Ukulungiselela I-oda Ethunyelwa Ngaphandle
Ukusetjenzwa Kwe-oda Ethunyelwa Ngaphandle
Ihlelo Lokusiza Ngepahla Ethunyelwa Ngaphandle
Ihlelo Lokuthenga Ipahla Eenarheni Zangaphandle
Tlolisela Ukuthengisela Iinarha Zangaphandle
Ihlohlomezelo Yokuthengisela Iinarha Zangaphandle
Amangeno Eemakethe Zangaphandle
Iimvumelwano Zokurhwebelana
Imininingwana Yabathengiselingaphandle
Izehlakalo Zerhwebo
Iinhlangano Zokuthengisela Eenarheni Zangaphandle
Imikhandlu Yokuthengisela Ngaphandle YeSewula Afrika Nabantu Ekungathintwana Nabo
Amabhizinisi Amakhulu
Ukurejistarwa Nokunikelwa Kwamandla
Ihlohlomezelo
Iinqhema Zerhuluphelo Yezomnotho
Iinhlangano Zerhwebo
Iinhlangano Zamabubulo
Iinhlangano Zomphakathi
Imikhandlu Yepahla Ethunyelwa Ngaphandle
AmaYuniyoni WabaSebenzi
Amandla Wemithombo Yerhwebo
Ukuvikelwa Kwabathengi
Ihlathululo Yomthengi
Imitlhala Yeendleko Zokuphila
Ubujamo Bomnotho Babathengi
Amalungelo Wabathengi
Ayini Amalungelo Wabathengi?
Umthetho Ovikela Abathengi
Ababolekisi Beemali Ezincani
Ububalekelo
Lithathwa Njani Igadango
Ngubani Ongambawa Irhelebho
Iinqhema Zeenlilo Zabathengi
Ubukhulu
Ukukhula/Ukuhluma
Amakoro
Irhwebo
Amasiso Nokubulunga
Intengo
Imisebenzi
Ukungalingani
Ikomba Yezomnotho
Imithombo Yamandla
Isakheko Esipheleleko
Iqhinga Letjhuguluko Emnothweni Wezinga Elincani
Iqhinga Lokukhiqiza Elilungelelweko
Abakhambiphambili Bomnotho
Iinhlangano Zerhwebo
Iinhlangano Zamabubulo
Iinhlangano Zomphakathi
Imikhandlu Yepahla Ethunyelwa Ngaphandle
AmaYuniyoni WabaSebenzi
Amandla Wemithombo Yerhwebo
Amahlelo
Ukujamiseka Kwehlangano
Abantu Bekhethu
Imali Yokuthuthukisa
Ilawulo
IKomitjhini YezePhaliswano
IBandla LezePhaliswano
UmKhandlu OLawula ZoTjwala
IBhodi YezeLothari
UmKhandlu oLawula ZeeMali EziNcani (i-MFRC)
UmKhandlu WezeRhubhululo LeSayensi NamaBubulo ( i-CSIR )
Iminikelo
Iimvumelwana Zokurhwebelana Namazwe Ngamazwe
INyonyana yeSewula Afrika yokuNgeniswa kwePahla ngeNarheni
IHlelo lezomNotho leeMakethe zangaPhandle
Ukuphathwa Kwerhwebelwano LeenTjhabatjhaba
Ukutjhugululwa Kweemali Ezibhadalwako Neemali Ezibuyiswa Eemalini Ezibhadelweko
Ukuphikiswa Kokulahlwa Nomthelo Wepahla Ebuya Ngaphandle
Ukulawulwa Kwepahla Ethengwa Nethengiswa Ngaphandle
UmThetho nemiThetjhwana
Iinjamiso Zamabhizinisi, Ubunikazi Nendlela Yokuphatha
Irhwebo Elilungileko, Iphaliswana kanye Nokuvikeleka Kwabathengi
Amabubulo Abuswa NgemiThetjhwana
Irhwebo Langaphandle
Amazinga
Ituthuko Nerhubhululo
Ukuvikelwa Kobunikazingqondo
Amatjhuguluko Emthethweni Nemthetjhwaneni
Ukutlolisa Nokuhlola
Ukulawulwa Kwepahla Ethengwa Nethengiswa Ngaphandle
Ukuphenya Nokuhlola
Ilwazi, Izeluleko Nokukghonakaliswa
Amasiso Wangaphandle
Amabhizinisi Amancani
Irhubhululo Lesayensi
IHlelo leSewula Afrika lokuLinganisa ngokweKhwalithi
Irhwebo Langaphandle
IHlelo Lokuhlanganyela Amabubulo
Amalungelo Wabathengi
Iimali Zehlohlomezelo Nezokuthuthukisa
Ukusekelwa Kwamasiso
Ukuthuthukiswa Kwamabhizinisi Amancani
Iimali Zokuhlomisa Ngamandla Womnotho
Ukwandiswa Kommoya Wokuphalisana
Umkhumbulo Omutjha Nechwephetjhe
Irhelebho Lokuthengisela Ngaphandle
Iindawo Zokuthuthukisela Amabubulo
Amahlelo
Ibuthelelwano Lamabubulo
Ukusetjenzwa Kwemisebenzi Yokulima
Isimbi, Amaminerali Neemayini
Zamavakatjho
Zeenkoloyi Nezokuthutha
Ezikhamba Emmoyeni, Nezikhamba Esiporweni Kanye Nezikhamba Emanzini
Ubuciko Bokusebenza Ngezandla
Ukwazisa Nokuthintana
Umthethokambiso, Imithetjhwana Nokurhwebelana
Kweentjhabatjhaba
Ukulungelelana Komthethokambiso
Ibhoduluko Lokulawula
Iinsiza Ezifakelelelwa Ukuthuthukisa
Ukuthuthukiswa Kwemithombo Yamandla Wabasebenzi
Umthangalasisekelo NeenseTjenziswa Zokusetjenziswa
Ubungeno Eemalini
Ituthuko
Ukuhlanganyela Amabubulo
Amabhizinisi Amancani
Ukusabalala Nendawo
Iindaba Nezehlakalo
Iindaba Zamabubulo/Zamafemu
Imitlolo
Imibuzo Yepalamende
Iinkulumo
Iimemezelo Zeembikiindaba/Zeendaba
Ukuzwa Okuvela Eembikiniindabeni
IKAMBISO YESIBAWO
Ikambiso
UmNyango wezeRhwebo namaBubulo uvule ikambiso elandelako nasi ekufuze ilandelwe ukutjheja isibawo sokuthola ilwazi ngomThetho wokuTholakala kwelwAzi:
Igadango 1: Ikambiso Yesibawo
Umuntu obawa ukuthola ilwazi kufuze bona azalise iforoma lesibawo (Qala isiHlomelelelo A ) bese ulisa :
Ngesandla :
NAMKHA
Ngeposo :
NAMKHA
Ngefeksi
Njengombana kulayela umThetho, isibawo sokuthola ilwazi kufuze bona siphekelelwe yimali eyi-R35. Imali le-ke ungayibhadala ngetjhege, ngekhetjhi (nakube isibawo silethwe ngesandla) namkha uyidiphozithe e-akhawundini ye-dti (ubufakazi bokuthi uyidiphozithile imali kufuze buphekelele iforomu lesibawo):
Igadango 2: Ukuqinisekisa Nokuphendula Isibawo
Isiphathiswa sezokwazisa se-dti samukela besiqinisekise isibawo ukuthola bona lokho umfaki wesibawo akubawako kukhona na ku-dti. Ngemva kwalokho-ke isibawo siyavunywa, sirarhwe namkha sidluliselwe kilabo abaphathelene nalokho okufunwa mfakisibawo. Ngemva kwalokho-ke umfakisibawo uthunyelelwa ipendulo emazisa ngokuthi isibawo sakhe sikhambe njani.
Igadango 3: Ukusetjenzwa Kwesibawo
Nakube isibawo siyavunywa, i-dti izakuhlanganisa beyilungise imininingwana ephathelene nalokho umfakasibawo akubawako, bese kubalwa neendleko zakhona. Iindleko zibalwa ngokulandela ikambiso ehlathululwa yindinyana 7.6
Igadango 4: Isaziso Sokugcina
Umfakisibawo uzakwaziswa nasele isibawo sakhe sisetjenzwe saqedwa, aziswe nangeemali ekuzakufanela ukuthi azibhadale i-dti ngesibawo sakhe.
Igadango 5: Imbadalo Nokulethelwa
Imali ekukhulunywa ngayo eGadangweni 4 ithi ingafika (ngokulandela ikambiso yokubhadala etjhiwo eGadangweni 1), umfakisibawo athunyelelwe lokho akubawileko.
Koke Ekufuze Kwaziwe
Iforomu elizaliswako kufuze bona liphelele ngemininingwana kobanyana isiPhathiswa sezokwAzisa sizokukghona ukubona:
Irekhodi namkha amarekhodi abawiwako;
Ukuthi ungubani umfakisibawo;
Ukuthi ngiyiphi indlela yokuthola ilwazi efunekako, nakube isibawo siyavunywa;
I-adresi yeposo namkha inomboro yefeksi yomfakisibawo.
Umfakisibawo kufuze bona atjho ukuthi imininingwana yelwazi ayifunako uyifunela ukuphumelelisa ilungelo namkha ukuvikela ilungelo, abe atjho kuzwakale ukuthi lungelo bani lelo afuna ukuliphumelelisa namkha afuna ukulivikela. Ngaphezu kwalokho, umfakisibawo kufuze nokobana atjho kuzwakale nokuthi kubayini irekhodelo lifuneka ukuphumelelisa ilungelo namkha ukuvikela ilungelo akhuluma ngalo.
Isibawo somfakisibawo sizakusetjenzwa siphele kungakapheli ama-30 wamalanga, ngaphandle-ke kokuthi mhlamunye umfakisibawo aveze iinzathu ezikhethekileko, ekufuze zanelise isiPhathiswa sezokwAzisa, ezilayela ukuthi isibawo sakhe asikwazi ukulindela isikhathi esibekwe ngehlesi. Isikhathi esima-30 wamalanga esibekelwe ukuphendula umfakisibawo singalulwa ngesikhathi esingadluliko ema-30 wamalanga nakufumaniseka ukuthi umfakisibawo ufuna imininingwana eminengi khulu, namkha nakube isibawo sakhe sifuna ukuthi kuyokufunwa eminye imininingwana ekelinye i-ofisi, kufumaniseke nokuthi imininingwana leyo angeke yatholakala ngesikhathi esibekwe ekuthomeni esima-30 wamalanga. Nokho-ke umfakisibawo uzakutlolelwa incwadi aziswe nakube isibawo sakhe sizakufuna isikhathi esingezelelweko.
Nakube isibawo senzelwa omunye umuntu, umfakisibawo kuzakufuneka ukuthi afake nobufakazi obufakazela ukuthi yena isibaweso usenza ngaliphi igama; isizathweso-ke kufuze bona sisanelise isiphathiswa sezokwazisa.
Nakufumaniseka ukuthi umuntu akakghoni ukuzalisa iforomu elizaliswako ngoba mhlamunye angakafundi namkha ngoba mhlamunye aqhwalile, umuntu loyo angenza isibawo sakhe ngomlomo. Umfakisibawo kufuze bona abhadale imali ebekiweko ebhadaliswako ngaphambi kobana kungathonywa kwenziwe okhunye ngesibawo sakhe.
Iimali Ezibhadalwako
Mibili imihlobo yeemali ezibhadaliswako ngokomThetho lo:
Imali yesibawo, ekuyimali ejayelekileko; kanye nemali yokuthola imininingwana efunekako, ekufuze ibalwe ngokubala iindleko zokugaya nokuveza ngobutjha imininingwana yelwazi elifunekako, neendleko zokufuna nezokulungisa nezesikhathi esithathwa kufunwa imininingwana efunekako, kanye neendleko zokuposa.
Isibawo nasifika esiPhathisweni sezokwAzisa, isiphathisweso sizakuthumelela umfakisibawo inothisi esimbawa ngayo, ngaphandle komfakisibawo ozenzela isibawo ngomlomo, ukuthi abhadale imali ebekiweko yokusebenza isibawo (nakube ikhona), ngaphambi kobana singasetjenzwa ukuya phambili isibawo sakhe.
Nakube irekhodi selifuniwe, labe lalungiselelwa ukwaziswa, sekubalwa namalungiselelo wokulazisa eforomini lesibawo, nakube kufuneka isikhathi esingaphezu kwaleso esibekwe mithetholawulo elawula lokhu, isiphathiswa sezokwazisa kuzakufuneka ukuthi sazise umfakisibawo ukuthi abhadale idiphozithi yokuthola imininingwana efunekako, ekufuze ibhadalwe nakube isibawo sakhe siyavumakala.
Isiphathiswa sezokwazisa asizulitjhaphulula irekhodi umfakisibawo angakabhadali iimali ezihlathululwe esiHlomelelweni 2.
Umfakisibawo isibawo sakhe sokuthola irekhodi esivunyiweko kufuze bona abhadale imali yokuthola imininingwana yokugaya nokuveza ilwazi ngobutjha neendleko zokufuna nezokulungisa nezesikhathi esithathwa kufunwa imininingwana efunekako nakube kuthathwa isikhathi esidlula isikhathi esibekiweko sokufuna nokulungisa irekhodi ekufuze laziswe, sekubalwa namalungiselelo wokulenza litholakale ngeforomu lesibawo.
Nakube idiphozithi ibhadalelwe isibawo sokuthola imininingwana yelwazi esaliweko, isiphathiswa sezokwazisa esiphethe isibaweso kufuze sibuyisele umfakisibawo idiphozithakhe.
Iimali Ezibhadalwa Eenhlanganweni Zomphakathi
Lokhu okulandelako kusebenza ngokwesigaba 22 somThetho ophathelene nalokhu:
IHLATHULULO INANI (R)
Imali yesibawo ebhadalwa ngibo boke abafakisibawo, ngaphandle komfakasibawo owenza isibawo ngomlomo, njengoba kusitjho umthetjhwana 7 35.00
Ikhophi yencwajana ekukhulunywa ngayo emthetjhwaneni 5c enye nenye ifothokhophi yekhasi eliyi-A4 namkha ingcenye yalo. 0.60
Iimali zokugaya nokuveza ngobutjha ekukhulunywa ngazo emthetjhwaneni 7 zijame bunje:
Enye nenye ifothokhophi yekhasi eliyi-A4 namkha ingcenye yalo 0.60
Enye nenye ikhophi egadangiswe ngomtjhini ekhasini eliyi-A4 namkha ingcenye yalokho esekhomphyutheni namkha emtjhinini namkha ngenye indlela efundekako yama-elektroniki 0.40
Umfuziselo weenthombe ezibukelwako a. Ikhasi eliyi-A4 namkha ingcenye yalo b. Ikhophi yeenthombe 22.00
Irekhodi elikhulumako a. Ikhasi eliyi-A4 namkha ingcenye yalo b. Ikhophi yerekhodi elikhulumako 12.00
Iimali zokuthola imininingwana yelwazi ezibhadalwa mfakisibawo ekukhulunywa ngazo emthetjhwaneni 7 zijame bunje:
Enye nenye ifothokhophi yekhasi eliyi-A4 namkha ingcenye yalo. 0. 60
Enye nenye ikhophi egadangiswe ngomtjhini yekhasi eliyi-A4 namkha ingcenye yalo esemkhomphyutheni namkha emtjhinini namkha ngenye indlela efundekako yama-elektroniki. 0. 40
Ikhophi yeenthombe ezibukelwako 60. 00
Umfuziselo werekhodi elikhulumako a. ikhasi eliyi-A4 namkha ingcenye yalo b. ikhophi yerekhodi elikhulumako 12.00
Ukufuna nokulungiselela irekhodi ekufuze laziswe, kuyi-R15.00 nge-awa namkha ingcenye yalo, ngaphandle kwe-awa lokuthoma, njengoba lona lisikhathi esijayelekileko sokufuna nokulungisa imininingwana efunwa mfakisibawo.
Imali yokuposa ibhadalwa nakube ikhophi yerekhodi kufuze iposelwe umfakisibawo. Iindleko zokuposa zikhambisana nesilinganiso esibekiweko sokuposa, ngokwebanga elizakukhanjwa yipahla eposwako leyo.
UKUVUNYWA/UKWALIWA KWEEMBAWO
Ukwaliwa Kwesibawo
Amabanga amakhulu wokuthi isibawo sokuthola imininingwana yelwazi saliwe ziphathelene:
Nesidingo sokuvikelwa kwelungelo lokungacajelwa kwesiqhema sesithathu esimumuntu wemvelo, ekungakafaneli bona imininingwana ephathelene nobuyena yedwa umuntu wemvelo loyo ivezelwe abanye.
Nesidingo sokuvikelwa kwemininingwana yerhwebo yesiqhema sesithathu, nakube irekhodi lakhe liphethe:
iimfihlo zerhwebo zesiqhema sesithathweso;
imininingwana yeemali, yezerhwebo, yezesayensi namkha zetheknoloji ukuvezwa kwayo ekungenzeka ukuthi kukhisimeze irhuluphelo/ikarekelo yeemali namkha yezerhwebo yesiqhema sesithathweso;
imininingwana isiqhema sesithathweso esiyazise i-dti njengemininingwana esifuba, nakube ukuvezwa kwemininingwana leyo kungabeka isiqhema sesithathweso ebujamweni obumbi emikhulumiswaneni namkha ephaliswaneni lerhwebo.
Nesidingo sokuvikelwa kwemininingwana esifuba yesiqhema sesithathu nakube imininingwana leyo ivikeleke ngokwesivumelwana nanyana kungaba ngisiphi;
Nesidingo sokuvikelwa kokuphepha kwabantu ngamunye ngamunye nokuvikelwa kwepahla;
Nesidingo sokuvikelwa kwamarekhodi athathwa njengamarekhodi avikeleke ngokukhethekileko ngezomthetho;
Nemisebenzi yezerhwebo ye-dti engabala :
imininingwana yeemali, yezerhwebo, zesayensi namkha yetheknoloji, ekungenzeka ukuthi nayiveziweko ingenza umonakalo eenrhuluphelweni zeemali namkha zerhwebo ze-dti;
imininingwana yelwazi, nayiveziweko engabeka i-dti ebujameni obumbi emikhulumiswaneni namkha ephaliswaneni lerhwebo;
ihlelo lekhomphyutha elingele-dti, begodu elivikelwe lilungelo lobunikazi.
Nemininingwana yelwazi lerhubhululo le-dti namkha isiqhema sesithathu, nakube ukuvezwa kwemininingwana leyo kuzakuveza ukuthi umnikazi ngubani, angaba yihlangano, abe mrhubhululi namkha kube sihloko ekurhujululwa ngaso begodu nakube lokho kuzakubeka umsebenzi werhubhululo ebujameni obumbi kumbi.
Angeke zivunywe iimbawo zemininingwana yelwazi ezizikhanyelako ukuthi azazisi namkha ngezokucasula esinye isiqhema, namkha nakube ziphambukisa imithombo yamandla endleleni ngento engekho.
Isibawo Sokudlulela Phambili
Umfakisibawo angenza isibawo sangekhaya sokudlulisela isibawo sakhe phambili aphikise isiphathiswa sezokwazisa sehlangano yomphakathi sokumalela ukuthola imininingwana yelwazi alifunako; namkha nakube isiqunto sokumalela nemininingwana leyo sithethwe ngokwesigaba 22,26 namkha 29 ngomfakisibawo loyo nesikhulu esiphetheko.
Isiqhema sesithathu singafaka isibawo sangekhaya sokudlulisela isibawo saso phambili siphikisane nesiqunto esithethwe siphathiswa sezokwazisa sehlangano yomphakathi etjhiwo endinyaneni (a) yehlathululo "yehlangano yomphakathi" eSigabeni 1 ngokuvunyelwa kwesibawo sokuthola imininingwana yelwazi.
Indlela Yokudlulisela Iimbawo Phambili Neemali Ezibhadalelwa Ukudlulisa Iimbawo
Isibawo sokudlulisa isibawo kufuze bona senziwe eforomeni elenzelwe lokho:
kungakapheli amalanga ama-60;
nakube kufuneka kwaziswe nesiqhema sesithathu, kungakapheli amalanga ama-30 ngemva kobana inothisi inikelwe umuntu odlulisela isibawo phambili: namkha nakube akufuneki bona umuntu odlulisa isibawo anikelwe inothisi, ngemva kobana kuthethwe isiqunto kufuze bona inikelwe namkha ithunyelwe isiphathiswa sezokwazisa sehlangano yomphakathi e-adresini yakhe, namkha efeksini yakhe, namkha ku-e-mail yakhe.
sitjho ukuthi yindaba yiphi leyo edluliselwa phambili, sibeke neenzathu zokwenza isibawo sangekhaya sokudlulisela isibawo phambili, la singaveza khona neminye imininingwana efaneleko umdlulisisibawo lo ayaziko;
nakube ngaphezu kwependulo etloliweko umdlulisisibawo ufisa nokwaziswa ngesiqunto sokudluliswa kwesibawo ngekhaya ngenye indlela ehlukileko, kufuze bona ayitjho indlela leyo, bese uveza nemininingwana ekhambisana nalokho;
nakube kuyakghonakala, kufuze siphekelelwe yimali ebekiweko ebhadalelwa lomsebenzi, futhi sitjho ne-adresi yeposo namkha inomboro yefeksi.
Nakube isibawo sokudlulela phambili senziwa sesidlulile isikhathi esibekelwe sona, isiphathimandla esiphethe isibaweso kufuze bona sisivumele singene, nakube kunesizathu esizwakalako sokuladelwa kwaso.
Nakube isiphathimandleso siyala ukusithatha isibawo sokudlulisa esiladelweko, kufuze sazise umdlulisisibawo ngokwala kwaso.
Umdlulisisibawo ofaka isibawo sokwalelwa kwakhe ukuthola imininingwana yelwazi kufuze bona abhadale imali ebekiweko ebhadalelwa ukudlulisa isibawo sokuphikisa isiqunto (nakube ikhona imali ekufuze ibhadalwe).
Nakube nangambala ikhona imali ekufuze ibhadalelwe ukudlulisa isibawo, ipendulo ngesibaweso ingabanjwa bekube mhlazana kubhadalwa imali ekufuze ibhadalwe.
Msinyana ngokungakghonakalako, kodwa kungakapheli itjhumi lamalanga womsebenzi ngemva kokuthola isibawo sokudlulela phambili, isiphathiswa sezokwazisa sehlangano yomphakathi kufuze bona sinikele isiphathimandla esifaneleko:
isibawo sokudlulela phambili namabanga waso isiphathiswa sezokwazia zesiqunto esisithetheko;
nakube isibawo sokudlulela phambili siphikisa ukwalelwa ukuthola imininingwana yelwazi, ibizo, i-adresi yeposo, iinomboro zomtato, inomboro yefeksi, iposo ye-E, nanyana ngikuphi okukhona kwalokhu, kwananyana ngisiphi isiqhema sesithathu ekufuze bona saziswe ngesibaweso.
IKOMBA YEKOMITJHINI YAMALUNGELO WOBUNTU
IKomitjhini yamaLungelo wobuNtu yeSewula Afrika, nakuqedwa ukutlolwa kwencwajana le, beyingakabukutlola ikomba ekukhulunywa ngayo eSahlukweni 10 somThetho ophathelene nalokhu. Ikomba leyo izakuphatha imininingwana engafunwa mumuntu ofuna ukuphumelelisa ilungelo nanyana ngiliphi kilawo ekukhulunywa ngawo kilomThetho. Imibuzo emalungana nekomba le ingathunyelwa ku:
Iinomboro zomtato: 484-8300
Inomboro yefeksi : 484-1360
Umtato: +27 11 484-8300
Ifeksi: +27 11 484-1360
ISahluko 10 aathoma ukusebenza ngomhlaka 15 kuFeberbari ka-2002, ngokomThetjhwana 187. Ngokuya kweSahluko 10 se-PAIA, i-SAHRC inikelwe iinyanga ezilitjhumi nobunane ukutlola iKomba ekukhulunywa ngayo le, kubalwa ukusukela ngelanga eyathoma ukusebenza ngalo. IKomba le akuzukuphela u-Arhostosi ka-2003 ingakakutholakali.
UKUHLANGANYELA KWABABELANI
Ababelani abaqothelwe ukuhlanganyela emihlanganweni le kubalwa hlangana nabo neenhlangano ezinengi zomphakathi ezinjengezamabhizinisi, amayuniyoni, iinthunywa zakarhulumende neminyango karhulumende kanye neenhlangano zezakhamuzi.
Ukuthi ukuhlanganyela kwababelani kube yipumelelo kangangani kulinganiswa kanye ngomnyaka ngehlolombono eyenziwa ngabo ababelani, kanye nangokuba ngcono kwekhwalithi nokusebenza ngcono kweminikelo ye-dti, okumphumela wokuhlanganyela kwabo ababelani.
IINHLOMELELO
ISIBAWO SOKUTHOLA/SOKUBONA IREKHODI LEHLANGANO YOMPHAKATHI
Sahluko 18 yomThetho 2000 oKhuthaza ukuTholakala kwemiNiningwana yelwAzi umThetho wenomboro 2 ka-2000.
UmThetjhwana 6
Inomboro Yokuzazisa:
Isibawo sifikele ku- (itjho isikhundla, ibizo nesibongo sesiphathiswa sezokwazisa/isekela lesiphathiswa sezokwazisa) ngomhlaka- (itjho ilanga) e/Kwa ...(indawo).
Imali yesibawo (nakube ikhona): R...
Imali Yokuthola Imininingwana: R...
UMTLIKITLO WESIPHATHISWA SEZOKWAZISA/ISEKELA LESIPHATHISWA SEZOKWAZISA
A. Imininingwana Yehlangano Yomphakathi
IsiPhathiswa sezokwAzisa/ISekela lesiPhathiswa sezokwAzisa:
B. Imininingwana Yomuntu Obawa Ukuthola/Ukubona Irekhodi a. Imininingwana yomuntu obawa ukuthola/ukubona irekhodi kufuze itlolwe ngenzasapha.
b. Kufuze kutlolwe ne-adresi kanye/namkha nefeksi eseRiphabhligi yeSewula Afrika la ipendulo yomfakisibawo kufuze ithunyelwe khona.
c. Ubufakazi begama isikhundla umuntu abawa ngalo/ngaso kufuze buthunyelwe nesibawo, nakube kuyakghonakala.
Amabizo Apheleleko Nesibongo: ...
Inomboro kamazisi:...
Inomboro Yefeksi:...
Inomboro Yomtato...
Iposo Ye-E:...
Igama/isikhundla umuntu enza ngaso isibawo, nakube senzelwa omunye umuntu:
C. Imininingwana Yomuntu Owenzelwa Isibawo
Igcenye le kufuze izaliswe KWAPHELA nakube isibawo semininingwana yelwazi senzelwa omunye umuntu.
Amabizo Apheleleko Nesibongo: ...
Inomboro kamazisi: ...
D. Imininingwana Yerekhodi a. Nikela imininingwana epheleleko yerekhodi elifunekako, sekubalwe nenomboro yokuzazisa inomboro yereferensi, nakube uyayazi, ekuzakutholwa ngayo irekhodi.
b. Nakube indawo onikelwe yona iyatlhayela, tlolela kelinye ikhasi, bese ulihlanganisa neforomu. Umfakisibawo kufuze bona awatlikitle woke amakhasi angezelelweko.
Ukuhlathululwa kwerekhodi namkha ingcenye efaneleko yerekhodi: ...
Inomboro yokuzazisa (inomboro yerefrensi) nakube ikhona: ...
Eminye imininingwana yerekhodi: ...
a. Isibawo sokuthola/sokubona irekhodi, ngaphandle kwerekhodi eliphethe imininingwana yomuntu ngesiyena, sisetjenzwa kwaphela emveni kobana imali yesibawo seyibhadelwe.
b. Uzakutjelwa bona kufuze ubhadale malini eyimali yesibawo.
c. Imali ebhadalelwa ukuthola/ukubona imininingwana yerekhodi iya ngokuthi imininingwana efunekako leyo ifunwa ngayiphi indlela, kuye nangesikhathi esisetjenziswako ukufuna imininingwana leyo nokuyilungisa.
d. Nakube umumuntu onelungelo lokungabhadaliswa imali ekufuze ibhadalwe, kuveze lokho, bese uyatjho nokuthi kubayini ungakafaneli ukubhadala.
Ibanga lokungabhadali imali ebhadaliswako: ...
F. Indlela Yokuthola Irekhodi
Nakube uvinjelwa buqhwala ukufunda, nokubona namkha ukulalela irekhodi ngendlela elitholakala ngayo njengoba kuvezwe ku-1 ukuya ku-4 ngenzasapha, itjho ubuqhwala bakho obukwenza ungakghoni, bese uyatjho ukuthi irekhodi uzalifuna lingayiphi indlela ozayikghona.
Ubuqhwala Indlela Irekhodi Elifuneka Ngayo
a. Ukuphumelela kwesibawo sakho sokuthola/sokubona imininingwana yelwazi ngendlela oyifuna ngakho kuzakuya ngokuthi imininigwana yerekhodelo ingayiphi indlela.
b. Kesinye isikhathi kungenzeka walelwe ukunikelwa imininingwana yelwazi oyibawako ngendlela ofuna ngayo. Nakwenzekako lokho, uzakutjelwa ukuthi imininingwana leyo ungayithola ngenye indlela na.
c. Ukuthi ubhadaliswa malini, nakube uyabhadaliselwa isibawo sakho, kuzakuya nangokuthi imininingwana leyo uyifuna ngayiphi indlela.
Nakube Irekhodi Litloliwe Namkha Nakube Ligadangiswe Ngomtjhini :
Ikhophi Yerekhodi Ukuhlolwa Kwerekhodi
Nakube Irekhodi Lineenthombe Ezibukelwako:
Lapha-ke kubalwa iinthombe, amaslayidi, okuqotjhwe yividiyo, imifanekiso eyenziwe ngekhomphyutha, imigwalo, njll.:
Bukela Iinthombe Ikhophi Yeenthombe Imifanekiselo Yeenthombe
Nakube Irekhodi Linamagama Arekhodiweko Namkha Imininingwana Engavezwa Ngobutjha Ngomdumo:
Lalela Ikhasedi Umfanekiselo Wekhasedi
Umtlolo otloliweko namkha ogadangisiweko
Nakube Irekhodi Lisekhomphyutheni Namkha Linge-elektroniki Namkha Litlolwe Ngomtjhini Liyafundeka:
Ikhophi Yerekhodi Egadangiswe Ngomtjhini Ikhophi Egadangiswe Ngomtjhini Yemininingwana Ethethwe Erekhodini Ikhophi Yekhomphiyutha Efundekako
Nakube ubawe ikhophi namkha umfanekiselo werekhodi (ngehla), uzakuthanda ukuthi ikhophi leyo namkha umfanekiselo loyo uposelwe wona?
Kubhadalwa imali yokuposa IYE AWA
Tjheja bonyana nakufumaniseka ukuthi irekhodi alikho ngelimi olenyulako, unganikelwa lona ngelimi elikhona.
Wenyula ukulithola ngaliphi ilimi irekhodi lakho?
G. Isaziso sesiqunto Malungana Nesibawo Sokuthola Imininingwana Yelwazi
Uzakutlolelwa incwadi waziswe ukuthi isibawo sakho siphumelele namkha asikaphumeleli na. Nawufisa ukwaziswa ngenye indlela, sibawa utjho indlela leyo, bese usinikela nemininingwana efaneleko kobanyana sizokukghona ukwenza njengobanyana ufisa.
Uzakuthanda ukwaziswa ngayiphi indlela ngomphumela wesibawo sakho sokuthola irekhodi?
Itlikitlwe ngalelilanga lomhlaka- ... ku- ... (inyanga) ka-200 ...
UMTLIKITLO WOMFAKISIBAWO / UMUNTU OWENZELWE ISIBAWO
ISAZISO SANGEKHAYA SOKUDLULISELA ISIBAWO PHAMBILI
Sahluko 18 yomThetho 2000 oKhuthaza ukuTholakala kwemiNiningwana yelwAzi umThetho wenomboro 2 ka-2000 .
UmThetjhwana 8
YITJHO INOMBORO YAKHO YOKUZAZISA (INOMBORO YEREFERENSI):
A. Imininingwana Yehlangano Yomphakathi
IsiPhathiswa sezokwAzisa/ISekela lesiPhathiswa sezokwAzisa:
B. Imininingwana Yomfakisibawo/Isiqhema Sesithathu Esidlulisela Isibawo Sangekhaya Phambili a. Imininingwana yomuntu ofaka isibawo sangekhaya sokudlulisa isibawo kufuze itlolwe ngenzasapha.
b. Ubufakazi begama isikhundla umuntu adlulisa ngalo/ngaso kufuze buthunyelwe nesibawo, nakube kuyakghonakala.
c. Nakube umdlulisisibawo usiqhema sesithathu, angasuye umuntu wokuthoma owenze isibawo sokuthola imininingwana yelwazi, imininingwana yomfakisibawo sekuthomeni kufuze itlolwe ku-C ngenzasapha.
Amabizo Apheleleko Nesibongo: ...
Iinomboro zakamazisi:...
I-adresi Yeposo:...
Inomboro Yefeksi:...
Inomboro Yomtato...
Iposo Ye-E:...
Igama/isikhundla umuntu enza ngaso isibawo, nakube senzelwa omunye umuntu:
C. Imininingwana Yomfakisibawo
Igcenye le kufuze izaliswe KWAPHELA nakube siqhema sesithathu (ngaphandle komfakisibawo) esidlulisela isibawo sangekhaya phambili.
Amabizo Apheleleko Nesibongo: ...
Iinomboro zakamazisi : ...
D. Isiqunto Esifakelwa Isibawo Sangekhaya Sokudluliselwa Phambili
Merega isiqunto esifakelwa isibawo sangekhaya sokudluliselwa phambili ngo-x ebhokisaneni elifaneleko:
Ukwaliwa kwesibawo sokuthola imininingwana yelwazi
Isiqunto esimalungana neemali ezibekelwe ukubhadalwa ngokweSahluko 22 somThetho ophathelene nalokhu
Isiqunto esimalungana nokwelulwa kwesikhathi isibawo ekufuze sisetjenzwe siqedwe ngaso ngokweSahluko 26 somThetho ophathelene nalokhu.
Isiqunto ngokweSahluko 29 somThetho ophathelene nalokhu, sokwalela umfakisibawo ukuthola imininingwana ayibawako ngendlela ayibawa ngayo.
Isiqunto sokuvumela umfakisibawo ukuthola imininingwana ayibawako.
E. Amabanga wokudlulisela Isibawo Phambili
Nakube indawo yokutlola onikelwe yona iyatlhayela, sibawa ungezelele ngelinye ikhasi/ngamanye amakhasi, bese uwahlanganisa neforomeli. Woke amakhasi ozakungezelela ngawo kufuze uwatlikitle.
Yitjho amabanga osime ngawo ngokwenza kwakho isibawo sangekhaya sokudlulisela isibawo phambili: Yitjho nokhunye okufaneleko okungasetjenziswa nakuqalwa isibawo sakho sokudlulela phambili:
F. Isaziso ngesiqunto Malungana Nesibawo Sokudlulela Phambili
Uzakutlolelwa incwadi waziswe ngesiqunto esithethweko malungana nesibawo sakho sangekhaya sokudlulela phambili. Nawufisa ukwaziswa ngenye indlela, sibawa utjho indlela leyo, bese usinikela nemininingwana efaneleko kobanyana sizokukghona ukwenza njengombanyana ufisa.
Itjho indlela : ...
Imininingwana Yendlela: ...
Itlikitlwe ngalelilanga lomhlaka- ... ku- ... (inyanga) ka-200 ...
UMTLIKITLO WOMDLULISISIBAWO
IREKHODI ELISEMTHETHWENI LOKUDLULISELWA KWESIBAWO PHAMBILI NGEKHAYA:
Isibawo sokudlulela phambili sifike ngomhlaka- ... (ilanga) ku- ... (inyanga) ku-200 ... , samukelwa ngu- ... (yitjho isikhundla, ibizo nesibongo sesiphathiswa sezokwazisa/isekela lesiphathiswa sezokwazisa).
Isibawo siphekelelwa mabanga ekufuze aqalwe siphathiswa sezokwazisa/lisekela lesiphathiswa sezokwazisa, sizokuthatha ngawo isiqunto, begodu, la kufanele khona, imininingwana yesiqhema sesithathu irekhodi elikhuluma ngaso isiphathiswa sezokwazisa/isekela lesiphathiswa sezokwazisa liyidlulisele kusiphathimandla esifaneleko ngomhlaka- ... (ilanga).
UMPHUMELA WESIBAWO ESIDLULISIWEKO:
ISIQUNTO SESIPHATHISWA SEZOKWAZISA/SESEKELA LESIPHATHISWA SEZOKWAZISA SIYAFAKAZELEKA/ ISIQUNTO ESITJHA SIYAJANYISELELWA
ISIQUNTO ESITJHA: ...
ILANGA LESIPHATHIMANDLA ESIFANELEKO: ...
SIFIKE ESIPHATHISWENI SEZOKWAZISA/ESEKELENI LESIPHATHISWA SEZOKWAZISA NGOMHLAKA- ... (ilanga) ku- ... (inyanga) ku-200 ...
